ព័ត៌មានសំខាន់ៗអំពីកម្ពុជាមានដូចជា តុលាការលើកពេលកាត់ក្តីអតីតថ្នាក់ដឹកនាំបក្សប្រឆាំង តាមការស្នើសុំរបស់មេធាវី។ អ្នកកាសែតខ្មែរម្នាក់ទៀត ត្រូវកាត់ទោសឲ្យជាប់ពន្ធនាគារ១ឆ្នាំកន្លះ ក្រោយរិះគន់លោក ហ៊ុន សែន។ នៅក្នុងកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia» ភាគទី ៧ មានការពិភាក្សាអំពីសារៈសំខាន់នៃសមភាពយេនឌ័រ និងសុខភាពបន្តពូជ។ រីឯព័ត៌មានអន្តរជាតិវិញមានដូចជា លោក Biden ថា វាជា «ភាពអាម៉ាស់» ដែលលោក Trump មិនសុខចិត្តចុះចាញ់ការបោះឆ្នោត។ លោក Pompeo ព្យាករណ៍ថា លោកប្រធានាធិបតី Trump នឹងកាន់តំណែងនៅអាណត្តិទី ២ ជាបន្ត។ តុលាការកំពូលសហរដ្ឋអាមេរិកហាក់ត្រៀមរួចរាល់ដើម្បីរក្សាទុកច្បាប់សុខភាព Obamacare។ សហរដ្ឋអាមេរិកមានការឆ្លងជំងឺកូវីដ ១៩ ចំនួន ១ លានករណីក្នុងពេល ១០ ថ្ងៃដំបូងនៃខែវិច្ឆិកានេះ៕