ព័ត៌មានអំពីកម្ពុជាមានដូចជា ការចុះពិនិត្យព្រំដែននៅត្បូងឃ្មុំ មិនទាន់ជម្រះមន្ទិលលើការបាត់បង់ដីដ៏ចម្រូងចម្រាសទេ។ នៅក្នុងកម្មវិធី Hello VOA មានកិច្ចពិភាក្សាអំពី «ការតាំងចិត្ត និងការតស៊ូនាំមកនូវភាពជោគជ័យ»។ ព័ត៌មានអន្តរជាតិវិញមានដូចជា ឥណ្ឌាក្លាយជាប្រទេសទី ២ នៅលើពិភពលោកដែលមានករណីឆ្លងជំងឺកូវីដ១៩ ច្រើនជាងគេបំផុត។ រដ្ឋមន្ត្រីក្រសួងយុត្តិធម៌អាមេរិកគាំទ្រគោលនយោបាយច្បាប់និងសណ្ដាប់ធ្នាប់របស់លោក Trump។ យុទ្ធនាការលោក Trump និងយុទ្ធនាការលោក Biden ឆ្លើយឆ្លងដាក់គ្នាអំពីស្ថានភាពសេដ្ឋកិច្ចសហរដ្ឋអាមេរិក។ មនុស្សរាប់រយនាក់ត្រូវបានចាប់ខ្លួនក្នុងការតវ៉ាប្រឆាំងការពន្យារពេលបោះឆ្នោតនៅហុងកុង។ ជម្លោះដ៏កម្ររវាងស៊ែប៊ីនិងរុស្ស៊ី ក្រោយពីស៊ែប៊ីមានកិច្ចព្រមព្រៀងជាមួយកូសូវ៉ូដែលគាំទ្រដោយសហរដ្ឋអាមេរិក។ ការកែទម្រង់និងការរាតត្បាតជាសាកលនៃជំងឺកូវីដ១៩ បានពន្យឺតឯកជននីយកម្មក្នុងប្រទេសវៀតណាម៕
