ព័ត៌មានអំពីកម្ពុជាមានដូចជា ទិន្នន័យចិនបង្ហាញថា ទូកវៀតណាមជាច្រើនចូលនេសាទក្នុងដែនសមុទ្រកម្ពុជា។ ព័ត៌មានអន្តរជាតិវិញមានដូចជា ជីវប្រវត្តិសង្ខេបរបស់អ្នកស្រី Kamala Harris បេក្ខជនអនុប្រធានាធិបតីខាងគណបក្សប្រជាធិបតេយ្យ។ ក្រុមយុទ្ធនាការបោះឆ្នោតរបស់លោក ដូណាល់ ត្រាំ ប្តឹងស្រុកទី៣ក្នុងរដ្ឋ Iowa ចំពោះរឿងសន្លឹកឆ្នោតតាមប្រៃសណីយ៍។ ប៉ូលិសប្រកាសថាការតវ៉ាក្នុងក្រុង Portland រដ្ឋ Oregon សហរដ្ឋអាមេរិកគឺជាកុបកម្ម។ រដ្ឋ California កំពុងប្រយុទ្ធនឹងកង្វះអគ្គិសនីប្រើប្រាស់ និងគ្រោះភ្លើងឆេះព្រៃដោយសាររលកកម្តៅកើនខ្លាំង។ រដ្ឋាភិបាលប្រទេសអូស្ត្រាលី ចុះកិច្ចព្រមព្រៀងទិញវ៉ាក់សាំងការពារជំងឺកូវីដ១៩ ចំនួន២៥លានដុសពីក្រុមហ៊ុនផលិតឱសថដ៏ធំរបស់ប្រទេសអង់គ្លេស។ ទឹកជំនន់នៅប្រទេសចិនបង្ខំឲ្យមនុស្សរាប់សែននាក់ត្រូវជម្លៀសចេញពីគេហដ្ឋាន។ ប្រទេសអង់គ្លេសប្រកាសអំពីគម្រោងធ្វើតេស្តរកអ្នកជំងឺកូវីដ១៩ ក្នុងទ្រង់ទ្រាយធំ៕