ព័ត៌មានអំពីកម្ពុជាមានដូចជា ក្រសួងយុត្តិធម៌ព្រមានចាត់ការអង្គការសមាគមដែលរិះគន់សកម្មភាពអាជ្ញាធរ។ កម្មវិធីផតខាសថ៍ (podcast) «កម្ពុជាសម្លឹងទៅមុខ ឬ Envision Cambodia» មានកិច្ចពិភាក្សាអំពី «ការទូតសេដ្ឋកិច្ច»។ ព័ត៌មានអន្តរជាតិវិញមានដូចជា គណបក្សប្រជាធិបតេយ្យតែងតាំងលោក Joe Biden ជាបេក្ខជនប្រធានាធិបតីជាផ្លូវការ។ ប្រធានាធិបតីប្រទេសម៉ាលីលាចេញពីតំណែង បន្ទាប់ពីត្រូវបានចាប់ខ្លួនដោយពួកទាហានឧទ្ទាម។ មេដឹកនាំគណបក្សប្រឆាំងនៃប្រទេសបេឡារុសស្នើសហភាពអឺរ៉ុបឲ្យច្រានចោលលទ្ធផលបោះឆ្នោត។ លោក Trump ថ្លែងទៅកាន់អ្នកគាំទ្រនៅក្នុងរដ្ឋ Arizona និងរដ្ឋ Iowa។ អធិការបតីអាល្លឺម៉ង់ជំរុញឲ្យសាធារណជនគោរពតាមវិធីបង្ការជំងឺកូវីដ១៩ នៅពេលដែលករណីឆ្លងថ្មីកើនឡើង និងព័ត៌មានអន្តរជាតិសំខាន់ៗមួយចំនួនទៀត៕