ព័ត៌មានអំពីកម្ពុជាមានដូចជា ករណីផ្ទុះហ្គាសសម្លាប់មនុស្ស៤នាក់នៅភ្នំពេញ នាំឲ្យព្រួយបារម្ភបន្ថែមលើការគ្រប់គ្រងហ្គាសនៅកម្ពុជា។ កម្មវិធី Hello VOA មានកិច្ចពិភាក្សាអំពី «ការទទួលយកការរិះគន់សិល្បៈនឹងជួយឲ្យវប្បធម៌កម្ពុជាមានភាពប្រសើរឡើង»។ ព័ត៌មានអន្តរជាតិវិញមានដូចជា បន្ទប់សង្គ្រោះបន្ទាន់ក្នុងមន្ទីរពេទ្យទាំង ៥០ នៅក្នុងរដ្ឋ Florida សហរដ្ឋអាមេរិក មិនមានគ្រែគ្រប់គ្រាន់សម្រាប់អ្នកជំងឺ។ គណបក្សប្រជាធិបតេយ្យនឹងជ្រើសរើសបេក្ខជនថ្មីជំនួសលោក John Lewis ដែលទើបបានស្លាប់។ ប្រធានាធិបតីសហរដ្ឋអាមេរិកលោក ដូណាល់ ត្រាំ ជំរុញឲ្យពលរដ្ឋពាក់ម៉ាស់ ប៉ុន្តែមិនតម្រូវឲ្យត្រូវតែពាក់ម៉ាស់ទេ។ ផ្សារភាគហ៊ុនសាកលលោកធ្លាក់ចុះនៅសប្តាហ៍នេះ។ មេដឹកនាំកូរ៉េខាងជើងខឹងសម្បាររឿងពន្យារពេលសាងសង់មន្ទីរពេទ្យថ្មីនៅក្រុងព្យុងយ៉ាង។ ឧបករណ៍ថតទិន្នន័យជើងហោះហើររបស់ក្រុមហ៊ុនអាកាសចរណ៍អ៊ុយក្រែនដែលគេបាញ់ធ្លាក់កំពុងស្ថិតនៅក្នុងប្រទេសបារាំងសម្រាប់ធ្វើការវិភាគ។ អង្គការ Amnesty International ថា យោធារដ្ឋាភិបាលមីយ៉ាន់ម៉ាបានសម្លាប់ជនស៊ីវិលនៅក្នុងការវាយប្រហារមិនរើសមុខ។ ករណីថ្មីៗនៃជំងឺកូវីដ១៩ ធ្វើឲ្យប៉ះពាល់ដល់បេសកកម្មយោធាអាមេរិកក្នុងប្រទេសជប៉ុននិងកូរ៉េខាងត្បូង៕
