ព័ត៌មានសំខាន់ៗអំពីកម្ពុជាមានដូចជា៖ វេជ្ជបណ្ឌិតប្រយុទ្ធនឹងការឆ្លងរាតត្បាតរបស់វីរុសកូរ៉ូណា ៦នាក់ចេញមកពីគ្រួសារជនភៀសខ្លួនខ្មែរអាមេរិកាំងមួយ។ ពលរដ្ឋខ្មែរខ្លះរីករាយនឹងស្ថានភាពស្ងប់ស្ងាត់នៅតំបន់ប្រាសាទអង្គរវត្ត ដែលអស់ក្រុមទេសចរបរទេស។ ព័ត៌មានអន្តរជាតិផ្សេងៗមានដូចជា៖ លោកវេជ្ជបណ្ឌិត Anthony Fauci បានសុំឲ្យក្រុមបាតុករពាក់ម៉ាស់ ខណៈលោកបង្ហាញសុទិដ្ឋិនិយមអំពីការផលិតថ្នាំវ៉ាក់សាំងបង្ការជំងឺកូវីដ១៩។ វិធីសាស្ត្រការទូតបែប «ចចកចម្បាំង» របស់ចិនបង្កឲ្យមានប្រតិកម្មខ្លាំងក្លាពីអន្តរជាតិ៕
