ព័ត៌មានអំពីកម្ពុជាមានដូចជា អ្នកធ្លាប់កើតជំងឺកូវីដ១៩ បង្ហាញផលវិបាកនៃការកើតជំងឺនេះ។ អង្គការសង់ត្រាល់ថា ក្នុងរយៈពេល ៣ ខែ កម្មករជាង ១ ម៉ឺន នាក់ ចេញមុខតវ៉ារឿងបិទរោងចក្រ និងការណ៍ដែលរោងចក្រមិនគោរពច្បាប់ការងារ។ ព័ត៌មានអន្តរជាតិវិញមាន ពលរដ្ឋខ្មែរអាមេរិកាំងថា ប៉ូលិសនឹងគោរពច្បាប់ជាងមុន ក្រោយការតវ៉ាករណីស្លាប់របស់លោក Floyd ផ្ទុះកំហឹងខ្លាំង។ ការស្ទង់មតិសាធារណជនអាមេរិកាំងបង្ហាញថា លោកប្រធានាធិបតី Trump មានការគាំទ្រតិចជាងលោក Biden នៅក្នុងការបោះឆ្នោតប្រធានាធិបតីនៅខែវិច្ឆិកា។ ស្ថាប័នថ្នាក់ខេត្តក្នុងប្រទេសចិនដើរតួនាទីនាំមុខគេក្នុងការរឹតត្បិតព័ត៌មានលើអ៊ីនធឺណិត។ អវកាសយានិកផ្ដល់ការកម្សាន្ត និងការអប់រំដល់កុមារពីស្ថានីយ៍អវកាសអន្តរជាតិ៕
