ព័ត៌មានសំខាន់ៗអំពីកម្ពុជា អាមេរិក អាស៊ី និងពិភពលោក មានដូចជា៖ ក្រោយស្ងប់រលកនៃការហូរចូលការវិនិយោគចិន ក្រុងកំពង់ផែព្រះសីហនុផ្សងវាសនាថ្មី ខណៈកម្ពុជាបិទល្បែងស៊ីសងអនឡាយ និងវិបត្តិសុខភាពកូវីដ១៩។ សហគមន៍ជនជាតិភាគតិចអ៊ុយហ្គ័រ (Uighur) នៅសហរដ្ឋអាមេរិក អះអាងថា ចិនឲ្យក្រុមគ្រួសាររបស់ពួកគេដែលជាប់ឃុំនៅប្រទេសចិន ធ្វើបទសម្ភាសន៍ដោយបង្ខំ។ រោគរាតត្បាតកូវីដ១៩ បង្កជាភាពស្មុគស្មាញដល់ការប្រកួតប្រជែងក្នុងដំណើរការបោះឆ្នោតព្រឹទ្ធសភាអាមេរិកសម្រាប់អាណត្តិថ្មី។ នៅឥណ្ឌា ការធ្វើការងារពីផ្ទះ អាចកើតមានឡើងនាពេលអនាគត ប៉ុន្តែអ្នកខ្លះមិនយល់ស្របនឹងការធ្វើការពីផ្ទះ។ ក្រុមអ្នកស្រាវជ្រាវកេនយ៉ា ធ្វើការពិសោធន៍ផលិតឱសថបុរាណសម្រាប់ព្យាបាលជំងឺកូវីដ១៩៕
