ព័ត៌មានសំខាន់ៗអំពីកម្ពុជា សហរដ្ឋអាមេរិក និងតំបន់អាស៊ី មានដូចជា៖ អង្គការសិទ្ធិមនុស្ស Human Rights Watch ជំរុញឲ្យកម្ពុជាស៊ើបអង្កេតលើករណីបាត់ខ្លួនរបស់សកម្មជនថៃម្នាក់ឈ្មោះ Wanchalearm Satsaksit។ បណ្តាប្រទេសនៅតំបន់អាស៊ីអាគ្នេយ៍ព្យាយាមជួយគ្នា ដោយបរិច្ចាគសម្ភារៈវេជ្ជសាស្ត្រ ក្នុងគ្រាវិបត្តិសុខភាពកូវីដ១៩។ មេបញ្ជាការអាមេរិកចោទចិនថា ឆ្លៀតធ្វើការទាមទារកាន់កាប់នៅតំបន់ជម្លោះសមុទ្រចិនខាងត្បូង។ ព័ត៌មានអន្តរជាតិផ្សេងៗទៀត មានដូចជា៖ អត្រាអត់ការងារនៅសហរដ្ឋអាមេរិកប្រចាំខែឧសភា ធ្លាក់ចុះមកត្រឹម១៣,៣%។ ការសម្រេចអំពីដំណើរពិគ្រោះយោបល់ជាមុនពីគម្រោងទំនប់ហ្លួងប្រាបាង្គរបស់ឡាវ ត្រូវបានលើកពេល។ ក្រុមតាលីបង់វាយឆ្មក់ និងសម្លាប់ទាហានអាហ្វហ្គានិស្ថានចំនួន១៥នាក់៕