កាល​ពី​ថ្ងៃ​អង្គារ ប្រធានាធិបតី​សហរដ្ឋ​អាមេរិក​លោក Donald Trump បាន​ព្យាយាម​ធានា​ចំពោះ​ពលរដ្ឋ​អាមេរិកាំង​ដែល​មាន​ការ​ខ្វាយខ្វល់ នៅ​ពេល​ដែល​ករណី​នៃ​ការ​ឆ្លង​មេរោគ​កូរ៉ូណា​ថ្មី​បាន​កើន​ឡើង​ជាង ១.០០០ ករណី​នៅ​ទូទាំង​សហរដ្ឋ​អាមេរិក។ ប៉ុន្តែ រដ្ឋបាល​របស់​លោក Trump មាន​ការ​ខ្វែង​គំនិត​គ្នា​ជាមួយ​នឹង​សមាជិក​សភា​ខាង​គណបក្ស​ប្រជាធិបតេយ្យ ដែល​និយាយ​ថា គម្រោង​របស់​លោក Trump នៅ​ក្នុង​ការ​ធ្វើ​យ៉ាង​ណា​កុំ​ឲ្យ​សេដ្ឋកិច្ច​ធ្លាក់​ចុះ​ដោយសារ​វិបត្តិ​មេរោគ​នេះ​នឹង​មិន​ជួយ​ដល់​អ្នក​ធ្វើ​ការ​ដែល​រង​ការ​ប៉ះពាល់​ខ្លាំង​ដោយសារ​មេរោគ​នេះ​នោះ​ទេ។ អ្នកស្រី Katherine Gypson អ្នក​ឆ្លើយឆ្លង​ព័ត៌មាន​របស់ VOA ប្រចាំ​សភា រាយការណ៍​អំពី​រឿង​នេះ​ពី​វិមាន​សភា។ លោក ភី សុភាដា ជូន​សេចក្ដី​ប្រែ​សម្រួល។