Hello VOA សុខភាព៖ ការព្យាបាលជំងឺហឺតសំខាន់ត្រូវជួយបន្ថយការពិបាកដង្ហើមនិងទប់កុំឲ្យជំងឺរើឡើងវិញ
អ្នកជំនាញវេជ្ជសាស្ត្រគឺ លោក តាំង តេកហុង វេជ្ជបណ្ឌិតខ្មែរចូលនិវត្តន៍នៅទីក្រុង Jacksonville រដ្ឋ Florida សហរដ្ឋអាមេរិកថ្លែងថាទិសដៅនៃការព្យាបាលជំងឺហឺតមានពីរ។ ទីមួយគឺត្រូវប្រើថ្នាំដើម្បីជួយសម្រួលដល់ការដកដង្ហើម ហើយទីពីរត្រូវទប់កុំឲ្យជំងឺនេះរើឡើងវិញ។ លោកវេជ្ជបណ្ឌិតបានថ្លែងបន្តថា ដោយសារតែជំងឺហឺតគឺជាប្រភេទនៃអាឡែកហ្ស៊ី ដូច្នេះអ្នកជំងឺត្រូវរៀនដឹងពីខ្លួនឯង ថាតើបរិស្ថានឬក៏សកម្មភាពបែបណាដែលបង្កឲ្យខ្លួនកើតជំងឺហឺតគួរត្រូវជៀសវាង៕ (អ្នកស្រី ស៊ូ ពេជ្រចិន្តា, Hello VOA សុខភាព, វ៉ាស៊ីនតោន, ១៥ សីហា ២០១៩)