១០សំណួរអំពីសេរីភាពសារព័ត៌មាននៅកម្ពុជា (សំណួរ ៩ & ១០)
សេរីភាពសារព័ត៌មាននៅកម្ពុជា បានធ្លាក់ដាំក្បាលចុះចាប់តាំងពីពាក់កណ្តាលឆ្នាំមុន ដោយសារការបង្រ្កាបរបស់រដ្ឋាភិបាល ទៅលើប្រព័ន្ធផ្សព្វផ្សាយឯករាជ្យដែលនៅសេសសល់បន្តិចបន្តួចក្នុងប្រទេស មុនការបោះឆ្នោតសកលកាលពីខែកក្កដា ឆ្នាំ២០១៨នេះ។ នេះបើយោងតាមអង្គការអ្នកសារព័ត៌មានគ្មានព្រំដែន ដែលបានទម្លាក់ចំណាត់ថ្នាក់នៃសេរីភាពសារព័ត៌មានរបស់កម្ពុជារហូតដល់លំដាប់ទី១៤២ ក្នុងចំណោមប្រទេសចំនួន១៨០ ទូទាំងពិភពលោក។ ចំណាត់ថ្នាក់នេះ មានន័យថា សេរីភាពសារព័ត៌មាននៅកម្ពុជា បានធ្លាក់ចុះ១០កម្រិតថែមទៀត បើធៀបនឹងចំណាត់ថ្នាក់កាលពីឆ្នាំ២០១៧។ ប៉ុន្តែ រដ្ឋាភិបាល តែងតែឆ្លើយបដិសេធ ថាខ្លួនមិនបានបង្ក្រាបទៅលើប្រព័ន្ធផ្សព្វផ្សាយឯករាជ្យណាមួយទេ ប៉ុន្តែខ្លួនគ្រាន់តែអនុវត្តច្បាប់របស់កម្ពុជាប៉ុណ្ណោះ។ តើលោកអ្នកយល់យ៉ាងណាដែរ? ៩) បើសិន អ្នកជាអ្នកដឹកនាំ តើអ្នកនឹងធានាឱ្យមានសារព័ត៌មានសេរីក្នុងប្រទេសរបស់អ្នកឬទេ? ហេតុអ្វី? ១០) ក្នុងសង្គមប្រជាធិបតេយ្យដែលរឹងមាំនិងដំណើរការបានល្អ គេត្រូវការជាចាំបាច់នូវអំណាចទី៤ ដើម្បីត្រួតពិនិត្យនិងធ្វើឱ្យមានតុល្យភាពរវាងអំណាចបីទៀតគឺ អំណាចនីតិបញ្ញត្តិ អំណាចនីតិប្រតិបត្តិ និងអំណាចតុលាការ។ តើអ្នកគិតថា ផ្នត់ គំនិតនៃអំណាចទី៤នេះ គួរតែត្រូវបានយកទៅអនុវត្តនៅក្នុងប្រទេសកម្ពុជា បានដែរឬទេ? ហេតុអ្វី? សូមចូលរួមបញ្ចេញមតិរបស់លោកអ្នកនាងដោយសេរី! (វីដេអូនេះថតតាម Facebook Live)