បទសម្ភាសន៍VOA៖ ចីរភាពបរិស្ថាននៅកម្ពុជាទាមទារការរួមចំណែកពីគ្រប់ភាគី
មានស្រុកកំណើតនៅខេត្ត បាត់ដំបង កញ្ញា មុត ចាន់ធានី ដែលបច្ចុប្បន្ននេះជាអ្នកសម្របសម្រួលបណ្តាញផលប៉ះពាល់បរិស្ថាននិងសង្គមដោយវិស័យឧស្សាហកម្មនិស្សារណកម្មហៅកាត់ថា (EISEI) បានធ្វើទស្សនកិច្ចសិក្សាមកកាន់សហរដ្ឋអាមេរិកដើម្បីដកស្រង់បទពិសោធន៍ពាក់ព័ន្ធនឹងចីរភាពបរិស្ថានតាមរយៈកម្មវិធីគំនិតផ្តួចផ្តើមមេដឹកនាំអាស៊ីអាគ្នេយ៍វ័យក្មេងហៅកាត់ថា (YSEALI)។ កាលពីថ្ងៃទី ១៣ ខែ វិច្ឆិកា កន្លងទៅនេះ កញ្ញា ធានី បានអញ្ជើញមកកាន់ទីស្នាក់ការរបស់ VOA ក្នុងរដ្ឋធានី វ៉ាស៊ីនតោន ដើម្បីផ្តល់បទសម្ភាសន៍អំពីបទពិសោធន៍ដែលកញ្ញាទទួលបានពីកម្មវិធីនេះនិងការរួមចំណែកដល់ចីរភាពបរិស្ថាននៅកម្ពុជា។ សូមលោកអ្នកនាងស្តាប់បទសម្ភាសន៍នេះរវាងអ្នកនាង ហុង ចិន្តា នៃ VOA និងកញ្ញា មុត ចាន់ធានី ដូចតទៅ៖