សេដ្ឋកិច្ចវ៉េណេស៊ុយអេឡា មិនស្ថិតស្ថេរ ខណៈដែលរដ្ឋាភិបាលកំណត់ប្រាក់ឈ្នួលនិងគ្រប់គ្រងតម្លៃទំនិញ
ប្រធានាធិបតី វ៉េណេស៊ុយអេឡា លោក Nicolas Maduro បានប្រកាសអំពីយុទ្ធសាស្រ្តថ្មីមួយ ដើម្បីស្តារសេដ្ឋកិច្ចនៅក្នុងប្រទេសនេះ។ ផែនការនេះ រួមមានទាំងការដំឡើងប្រាក់ឈ្នួលអប្បរមា៣០០០ភាគរយ និងការដាក់កំហិតតម្លៃលើម្ហូបអាហារជាង២០មុខផងដែរ។ ការដំឡើងប្រាក់ឈ្នួលនិងការដាក់កំហិតលើតម្លៃទំនិញនេះ បានបង្ខំឲ្យហាងទំនិញមួយចំនួនត្រូវបិទទ្វារឈប់ដំណើរការ។ ប៉ុន្តែ រដ្ឋាភិបាលនៅតែនិយាយថា ម្ចាស់ហាងទំនិញដែលមិនអនុវត្តទៅតាមផែនការសេដ្ឋកិច្ចនេះ នឹងត្រូវជាប់ពន្ធនាគារ។ អ្នកស្រី Adriana Núñez Rabascall រាយការណ៍អំពីរឿងនេះ ពីទីក្រុងការ៉ាកាស។ អ្នកនាង ហុង ចិន្តា ជូនសេចក្តីប្រែសម្រួល៕
