យុគសម័យ​ថ្មី​នៃ​ការ​ហោះ​ហើរ​ក្នុង​អវកាស​របស់​អាមេរិក​ បាន​ចាប់​ផ្ដើម​កាល​ពី​ថ្ងៃ​សុក្រ ទី៣ ខែ​សីហា។ អង្គការ NASA បង្ហាញ​មុខ​ ក្រុម​អវកាសយានិក​ដែល​នឹង​ធ្វើ​ការ​ហោះ​ហើរ​សាកល្បង និង​ទទួល​បេសកកម្ម​ប្រតិបត្តិការ​លើ​យាន​អវកាស​ផលិត​ដោយ​ក្រុមហ៊ុន​ឯកជន ដែល​នឹង​ត្រូវ​បង្ហោះ​ចេញ​ពី​ទឹក​ដី​សហរដ្ឋ​អាមេរិក​ជា​លើក​ដំបូង ចាប់តាំង​ពី​ឆ្នាំ២០១១ មក។ ការហោះហើរ​សាកល្បង​នៃ​យាន​អវកាស Boeing CST-100 Starliner របស់​ក្រុមហ៊ុន Boeing និង​យាន​អវកាស Crew Dragon របស់​ក្រុមហ៊ុន SpaceX ត្រូវ​បាន​គេ​រំពឹង​ថា នឹង​ចាប់​ផ្ដើម​នៅ​ឆ្នាំ​ក្រោយ។ អ្នកស្រី Mariama Diallo នៃ VOA រាយការណ៍អំពី​រឿង​នេះ។ លោក ចាប ចិត្រា ជូន​សេចក្ដី​ប្រែ​សម្រួល៕