ម៉ាស៊ីន​ពិសេស​មួយ​គ្រឿង​ដែល​ដំណើរការ​នៅ​ក្នុង​ទីក្រុង Baltimore និង​មាន​អ្នក​តាមដាន​លើ​បណ្តាញ​សង្គម Facebook និង Twitter ជាង​២ម៉ឺន​នាក់ ទើប​តែ​គម្រប់​ខួប​៣​ឆ្នាំ​របស់​ខ្លួន។ ម៉ាស៊ីន​នេះ​ត្រូវ​បាន​គេ​ដាក់​ឈ្មោះ​ថា «Mr. Trash Wheel»។ ម៉ាស៊ីន​នេះ គឺ​ជា​ម៉ាស៊ីន​កូនកាត់ ដែល​ប្រើប្រាស់​សម្រាប់​ទប់ស្កាត់​កុំ​ឲ្យ​សំរាម​នៅ​ក្នុង​ទីក្រុង​អណ្តែត​ដល់​កំពង់ផែ​របស់​ខ្លួន។ លោក George Putic នៃ VOA រាយការណ៍​អំពី​រឿង​នេះ។ អ្នកនាង ហុង ចិន្តា ជូន​សេចក្តី​ប្រែសម្រួល៕