ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

Hello VOA សុខភាព៖ អាការៈ​មួយ​ចំនួន​បង្ហាញ​ពី​សញ្ញា​នៃ​ការ​អស់​រដូវ​របស់​ស្ត្រី


Hello VOA សុខភាព៖ អាការៈ​មួយ​ចំនួន​បង្ហាញ​ពី​សញ្ញា​នៃ​ការ​អស់​រដូវ​របស់​ស្ត្រី
សូម​រង់ចាំ
Embed

No media source currently available

0:00 0:26:52 0:00
ទាញ​យក​ពី​តំណភ្ជាប់​ដើម

អ្នក​ជំនាញ​វេជ្ជសាស្ត្រ​គឺ​ លោក តាំង តេកហុង ​វេជ្ជបណ្ឌិត​ខ្មែរ​នៅ​ទីក្រុង Jacksonville រដ្ឋ Florida សហរដ្ឋ​អាមេរិក​ថ្លែង​ថា​ អាការៈ​អស់​រដូវ​របស់​ស្រ្តី​ចែកចេញ​ជា​ពីរ​ដំណាក់​កាល។ ដំណាក់កាល​ទីមួយ​គេ​ហៅ​ថា​ មុន​ពេល​អស់​រដូវ​ ឬ (Pre-menopause) កើត​ឡើង​នៅ​ពេល​ស្រ្តី​មាន​អាយុ​ពី៤៧ឆ្នាំ-៤៧ឆ្នាំ។ ពេលនោះ​ស្រ្តី​ចាប់​ផ្តើម​មាន​រដូវ​មិនទៀង​ កើត​មាន​អាការៈ​ក្តៅមុខ​ក្តៅមាត់​បន្តិចបន្តួច​ ជាតិ​ខ្លាញ់​កើនឡើង​ មាន​អារម្មណ៍​ប្រែប្រួល​ ហើយ​ឆ្អឹង​ចាប់​ផ្តើម​ស្តើង​បន្តិច​ម្តងៗ។ ដំណាក់កាល​ទីពី២​ហៅ​ថា​អស់​រដូវ ឬ (Menopause) កើតឡើង​នៅ​អាយុ​៥១ឆ្នាំ​ឡើង​ទៅ។ ពេលនោះ​នឹង​មាន​អាការៈ​ផ្សេងៗ​កើតឡើង​ ប៉ុន្តែ​រោគសញ្ញា​ដែល​កើតឡើង​ខ្លាំង​ជាងគេ​ គឺ​ក្តៅមុខ​ក្តៅមាត់​ ចាប់ផ្តើម​ក្តៅ​ក្នុង​ទ្រូង​ហើយ​សាយភាយ​ពេញខ្លួន​ ឬ Hot Flashes។ អាការៈ​នេះ​កើតឡើង​ពី៣ទៅ៤នាទី​រៀងរាល់​ថ្ងៃ។ ស្រ្តី​ខ្លះ​មាន​អាការៈ​បែបនេះ​បន្ត​រហូត​ដល់​មួយឆ្នាំ​ ហើយ​វា​នឹង​បាត់​ទៅ​វិញ​ខ្លួន​ឯង។ ប៉ុន្តែ​ស្រ្តី​ខ្លះ​អាច​មាន​រហូត​ដល់បួន​ទៅ​ប្រាំ​ឆ្នាំ។ នៅស្រប​ពេល​ជាមួយ​គ្នា​នោះ​ស្បែក​យោនី​របស់​ស្រ្តី​ចាប់​ផ្តើម​ស្ងួត​ និង​មាន​អាការៈ​រមាស់​ សំរាន្ត​មិន​លក់​ និង​ឡើង​ទម្ងន់​ជាដើម។ លោក​វេជ្ជបណ្ឌិត​បាន​ប្រសាសន៍​បន្ថែម​ទៀត​ថា​ ការ​អស់​រដូវ​ទាក់ទង​នឹង​ជាតិអ័រម៉ូន​ម៉្យាង​មាន​ឈ្មោះ​ថា Estrogen (អេស្រ្តូហ្សែន)។ នៅពេល​ដែល​ជាតិ Estrogen ធ្លាក់​ចុះ​កាន់​តែ​ខ្លាំង​អាច​ធ្វើ​ឲ្យ​ស្រ្តី​កើត​ជំងឺ​ពុកឆ្អឹង​ ជំងឺ​បេះដូង​ និង​ជំងឺ​ផ្សេងៗ​បណ្តាល​មក​ពី​សសៃ​ឈាម។ លោក​វេជ្ជបណ្ឌិត​បាន​ថ្លែង​ផងដែរ​ថា​ អាការៈ​មាន​រដូវ​មិន​ទៀង​ដែល​ស្រី្ត​ភាគច្រើន​តែងតែ​ជួប​ប្រទះ​នោះ​ គឺ​បណ្តាល​មក​ពី​កត្តា​ផ្សេងៗ​ ដូចជា​ ឡើង​ទម្ងន់​ខ្លាំង​ពេក ធ្វើ​លំហាត់​ប្រាណ​លើស​កំរិត មាន​សម្ពាធ​ក្នុង​ចិត្ត​ច្រើន ឬ​មាន​អាការៈ​រលាក​នៅ​ក្នុង​ស្បូន​ជាដើម។ (អ្នកស្រី ស៊ូ ពេជ្រចិន្តា, Hello VOA សុខភាព, វ៉ាស៊ីនតោន, ២១ ធ្នូ ២០១៧)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG