ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្រងរូបភាព៖ ពលរដ្ឋ​ខ្មែរ​នៅ​អាមេរិក​ស្នើសុំ​អង្គការ​សហប្រជាជាតិ​អន្តរាគមន៍​លើ​ភាព​តានតឹង​នយោបាយ​នៅ​កម្ពុជា

ក្រុម​តំណាង​បាតុករ​ពលរដ្ឋ​ខ្មែរ​អាមេរិកាំង​មកពី​តាម​បណ្តា​រដ្ឋ​ជាច្រើន​នៅ​សហរដ្ឋ​អាមេរិក បាន​ធ្វើ​បាតុកម្ម​នៅមុខ​ការិយាល័យ​អង្គការ​សហប្រជាជាតិ នៅថ្ងែសុក្រ ទី២២ ខែកញ្ញា ដើម្បី​ទាមទារ​ឲ្យ​លោក​អគ្គលេខាធិការ​អ.ស.ប ជួយ​ដោះស្រាយ​បញ្ហា​នៅ​កម្ពុជា​ ទាក់ទងនឹង​ការ​បញ្ឈប់​ការ​ធ្វើ​ទុក្ខបុក​ម្នេញ​ផ្នែក​នយោបាយ​ប្រឆាំងនឹង​ក្រុម​ជំទាស់​ ការធានា​ការ​បោះឆ្នោត​ដោយ​សេរី និង​យុត្តិធម៌​ត្រឹមត្រូវ នៅឆ្នាំ​២០១៨​ខាងមុខ​ ហើយ​នឹង​ផ្តល់​សេរីភាព​ព័ត៌មាន​ឡើងវិញ។​ លោក សុខ​ ខេមរា​ នៃ​ VOA ដែល​កំពុង​យក​ព័ត៌មាន​នៅឯ​បូរីញូវយ៉ក​ដោយ​ផ្ទាល់ បាន​រាយការណ៍​មក​ថា ក្រុម​បាតុករ​នឹង​ដាក់​ញតិ​ជា​ផ្លូវការ​ទៅកាន់​អ.ស.ប បន្ទាប់ពី​ការ​បញ្ចប់​ការ​ធ្វើ​បាតុកម្ម​ដែល​ពួកគេ​អះអាង​ថា អាច​នឹង​ដាក់​នៅ​ថ្ងៃនេះ ឬ​ថ្ងៃខាងមុខ បន្ទាប់ពី​កិច្ច​ប្រជុំ​មហាសន្និបាត​អ.ស.ប មិន​សូវ​រវល់​ពេក។ ការ​ធ្វើ​បាតុកម្ម​នេះ គឺ​ចំពេល​ដែល​មន្ត្រី​ដែល​ជា​តំណាង​កម្ពុជា​លោក​រដ្ឋមន្រ្តី​ការបរទេស ​ប្រាក់​ សុខុន ​ហៀប​នឹង​ថ្លែងការណ៍​ពី​ស្ថានការណ៍​កម្ពុជា​ទៅកាន់​មហាសន្និបាត អ.ស.ប ​ប្រចាំឆ្នាំ​នៅថ្ងៃសុក្រ ទី២២ ខែកញ្ញា ឆ្នាំ២០១៧៕

XS
SM
MD
LG