Hello VOA៖ ភាពយន្តហូលីវូដថ្មីរបស់លោកស្រី Jolie ជួយបង្កើនសមត្ថភាពនិងឱកាសដល់ផលិតករវ័យក្មេងកម្ពុជា
ភាពយន្ត«ដំបូងខ្មែរក្រហមសម្លាប់ប៉ារបស់ខ្ញុំ» First They Killed My Father ដែលដឹកនាំដោយលោកស្រី Angelina Jolie និងសហការផលិតជាមួយលោក ប៉ាន់ រិទ្ធី ជាភាពយន្តហូលីវូដជាភាសាខ្មែរដំបូងដែលត្រូវផ្សាយតាមគេហទំព័រ Netflix។ កញ្ញា សា ហ្វាទីលី អ្នកជំនួយការខាងអត្ថបទកុងនិងបកប្រែជាភាសាខ្មែរនៃភាពយន្ត «មុនដំបូងខ្មែរក្រហមសម្លាប់ប៉ារបស់ខ្ញុំ» នេះ ថ្លែងថា ការដែលមានភាពយន្តហូលីវូដជាភាសាខ្មែរត្រូវបានថតនៅក្នុងប្រទេសកម្ពុជាជាទ្រង់ទ្រាយធំ បានផ្តល់ដល់ផលិតករវ័យក្មេងកម្ពុជានូវជំនាញថតកុនកម្រិតអន្តរជាតិ ការលើកទឹកចិត្ត និងឱកាសបន្ថែមសម្រាប់ផលិតភាពយន្តសម្រាប់ក្រៅប្រទេសទៀត។ (សឹង សុផាត, Hello VOA សំឡេងជំនាន់ថ្មី, វ៉ាស៊ីនតោន/New Jersey, ១៨ កញ្ញា ២០១៧)