ធម្មនុញ្ញរបស់ VOA សំឡេងសហរដ្ឋអាមេរិក
ដើម្បីការពារបូរណភាពនៃការផ្សាយរបស់វិទ្យុសំឡេងសហរដ្ឋអាមេរិក និងដើម្បីបញ្ជាក់អត្ថន័យនៃបេសកកម្មរបស់បណ្តាញផ្សាយព័ត៌មាននេះ ទើបធម្មនុញ្ញនៃ VOA សំឡេងសហរដ្ឋអាមេរិក បានត្រូវចុះហត្ថលេខាដោយលោកប្រធានាធិបតី Gerald Ford ឲ្យចូលជាធរមាននៅថ្ងៃទី ១២ ខែកក្កដា ឆ្នាំ១៩៧៦។ សហរដ្ឋអាមេរិក អាចទទួលផលប្រយោជន៍សម្រាប់រយៈពេលយូរបានតាមរយៈការទាក់ទងគ្នាផ្ទាល់តាមវិទ្យុជាមួយប្រជារាស្រ្តទាំងឡាយនៅក្នុងពិភពលោក។ ដើម្បីឲ្យមានប្រសិទ្ធភាព VOA សំឡេងសហរដ្ឋអាមេរិក ត្រូវតែទទួលបាននូវការយកចិត្តទុកដាក់ និងការគោរពពីសំណាក់ក្រុមអ្នកស្តាប់៕