កិច្ចប្រជុំរវាងលោកអូបាម៉ានិងមេដឹកនាំអាស៊ានផ្តោតលើបញ្ហាសមុទ្រចិនខាងត្បូង
សហរដ្ឋអាមេរិកនិងមេដឹកនាំនៃបណ្ដាប្រទេសសមាជិកសមាគមប្រជាជាតិអាស៊ីអាគ្នេយ៍ (ហៅកាត់ថា អាស៊ាន) និយាយថា គេត្រូវចាត់វិធានការដើម្បីបន្ធូរបន្ថយភាពតានតឹងនៅក្នុងសមុទ្រចិនខាងត្បូង។ ជម្លោះទឹកដីក្នុងតំបន់មួយនេះ បានគ្របដណ្ដប់ការពិភាក្សាទាំងឡាយនៅក្នុងអំឡុងកិច្ចប្រជុំកំពូលជាប្រវត្តិសាស្ត្រមួយដែលត្រូវរៀបចំឡើងដោយលោកប្រធានាធិបតី បារ៉ាក់ អូបាម៉ា នៅ រមណីយដ្ឋាន Sunnylands ក្នុងក្រុង Rancho Mirage រដ្ឋកាលីហ្វ័រញ៉ា។ អ្នកស្រី Mary Alice Salinas អ្នកឆ្លើយឆ្លងព័ត៌មានរបស់ VOA ប្រចាំសេតវិមាន រាយការណ៍អំពីរឿងនេះ។ ហើយលោក សឹង សុផាត ជូនសេចក្តីប្រែសម្រួល៕
