អូបាម៉ា៖ សហរដ្ឋអាមេរិកត្រូវតែនៅជា«ពន្លឺនៃក្តីសង្ឃឹម»ដល់ជនភៀសខ្លួន
លោកប្រធានាធិបតីសហរដ្ឋអាមេរិក បារ៉ាក់ អូបាម៉ា ថ្លែងថា សហរដ្ឋអាមេរិកចាំបាច់ត្រូវតែនៅជា«ពន្លឺនៃក្តីសង្ឃឹម» គ្រាដែលចំនួននៃជនភៀសខ្លួននៅជុំវិញពិភពលោក កើនដល់កម្រិតខ្ពស់ជាងពេលណាៗទាំងអស់។ លោកបានអញ្ជើញទៅកាន់មជ្ឈមណ្ឌលជនភៀសខ្លួនមួយសម្រាប់កុមារកាលពីថ្ងៃសៅរ៍មុននេះ នៅពេលដែលលោកចូលរួមក្នុងកិច្ចប្រជុំកំពូលនៃសមាគមអាស៊ាន នៅប្រទេសម៉ាឡេស៊ី។ អ្នកស្រី Mary Alice Salinas រាយការណ៍អំពីរឿងនេះពីទីក្រុងកូឡាឡាំពួ។ លោក ប៉ូច រាសី ជូនសេចក្តីប្រែសម្រួល៕
