មីយ៉ាន់ម៉ា ឬ ភូមា បង្កើនសកម្មភាពល្បាតយ៉ាងខ្លាំងនៅក្បែរព្រំដែនបង់ក្លាដេស
ស្ថានការណ៍ដ៏គ្រោះថ្នាក់របស់ជនភៀសខ្លួនតាមទូកក្នុងមហាសមុទ្រឥណ្ឌា បានក្លាយជាប្រធានបទដ៏គួរឲ្យបារម្ភមួយ នៅប៉ុន្មានសប្តាហ៍នេះ ដែលមនុស្សរាប់ពាន់នាក់ បានធ្វើដំណើរតាមទូកដែលមានសភាពទ្រុឌទ្រោម ដើម្បីស្វែងរកការងារ ឬទីកន្លែងមានសុវតិ្ថភាព។ ពួកគេទាំងនោះភាគច្រើនជាជនជាតិ Rohingya កាន់សាសនាអ៊ីស្លាម ដែលភៀសខ្លួនជាប្រក្រតីពីប្រទេសមីយ៉ាន់ម៉ា ចាប់តាំងពីអំពើហិង្សាខាងសាសនាកើតមានឡើងកាលពីឆ្នាំ២០១២។ លោក Colin Lovett នៃVOA បានធ្វើដំណើរជាមួយនឹងក្រុមល្បាតតាមព្រំដែន នៅភាគខាងលិចរដ្ឋ Rakhine ដែលពួកគេនិយាយថា ពួកគេទៅទីនោះ គឺដើម្បីប្រយុទ្ធប្រឆាំងនឹងការជួញដូរមនុស្ស។ នាង ស្រេង លក្ខិណា ជូនសេចក្តីប្រែសម្រួល។
