អ្នកថតភាពយន្តខ្មែរអាមេរិកាំង ចង់ឲ្យមានការពិភាក្សាបញ្ហារំលោភផ្លូវភេទ
ការរំលោភផ្លូវភេទជាប្រធានបទមួយដែលមិនមានការពិភាក្សាគ្នាឲ្យបានច្រើនគ្រប់គ្រាន់ទេ នេះបើតាមមតិរបស់អ្នកថតភាពយន្តអាមេរិកាំងដើមកំណើតខ្មែរម្នាក់។ ក្នុងបទសម្ភាសន៍មួយជាមួយលោក ប៉ូច រាសី កាលពីពេលថ្មីៗនេះ នាង Caylee So និយាយថា ដោយសារខ្វះការពិគ្រោះគ្នានេះហើយ ទើបនាងសម្រេចចិត្ត ចាប់ផ្តើមថតភាពយន្តមួយ អំពីការរំលោភផ្លូវភេទ ដែលមានចំណងជើងថា «Invisible Dance»។
