មូលនិធិ IMF បន្ថយការរំពឹងទុករបស់ខ្លួនចំពោះសេដ្ឋកិច្ចសាកល
នៅក្នុងរបាយការណ៍ប្រចាំត្រីមាសចុងក្រោយបំផុតរបស់ខ្លួន មូលនិធិរូបិយវត្ថុអន្តរជាតិIMF បានឲ្យដឹងថា ការធ្លាក់ចុះនៃសេដ្ឋកិច្ច មួយផ្នែក គឺដោយសារតែអ្វីដែលគេហៅថា«ការកើនឡើងមិនត្រូវតាមការរំពឹងទុកដែលកើតមានជាបន្ត»នៅក្នុងប្រទេសកំពុងអភិវឌ្ឍន៍ និងវិបត្តិសេដ្ឋកិច្ចដ៏ជ្រៅជាងការរំពឹងទុកដែលកើតឡើងនៅអ៊ឺរ៉ុប។ ក៏ប៉ុន្តែ មូលនិធិIMFនេះ បានឲ្យដឹងថា ស្ថានការណ៍នេះ ទំនងជានឹងបានប្រសើរឡើងនៅដើមឆ្នាំក្រោយនេះ។ លោក មៀល អាសេហ្កា (Mil Arcega)នៃវីអូអេ រាយការណ៍ព័ត៌មាននេះ ពីរដ្ឋធានីវ៉ាស៊ីនតោន។ ហើយនាង លី ម៉ូរីវ៉ាន់ ជូនសេចក្តីប្រែសម្រួល។
