ការស្រាវជ្រាវបន្តរកមេរោគគ្រុនចាញ់ដែលស៊ាំនឹងថ្នាំ
អ្នកវិទ្យាសាស្ត្រកម្ពុជាកំពុងធ្វើការជាមួយនឹងក្រុមអ្នកស្រាវជ្រាវជាន់ខ្ពស់ក្នុងសហរដ្ឋអាមេរិកដើម្បីធ្វើការសិក្សាលើជំងឺគ្រុនចាញ់ដែលស៊ាំនឹងថ្នាំនៅក្នុងខេត្តសំខាន់ៗចំនួនបីនៅក្នុងប្រទេសកម្ពុជា។ លោកស្រី វេជ្ជបណ្ឌិត លីម ផារ័ត្ន ដែលជាអ្នកសិក្សាស្រាវជ្រាវនៅថ្នាក់ក្រោយបណ្ឌិតនៅឯវិទ្យាស្ថានជាតិសុខភាពរបស់សហរដ្ឋអាមេរិកកំពុងតាមដានការរីករាលដាលនិងការកកើតឡើងនៃប្រភេទមេរោគស៊ាំនឹងថ្នាំគ្រុនចាញ់នៅ ក្នុងខេត្តពោធិ៍សាត់ ព្រះវិហារ និងរតនៈគីរី។ លោកម៉ែន គឹមសេង នៃវីអូអេបានជួបសម្ភាសជាមួយនឹងលោកស្រីវេជ្ជបណ្ឌិតដូចតទៅ៖