ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ការ​​ផ្អើល​ជាន់​គ្នា​ក្នុង​អ្នក​ពិធី​​បុណ្យ​អុំ​ទូក​សម្លាប់​មនុស្ស​ច្រើន​រយ​នាក់

មាន​មនុស្ស​លើស​ពី​៣០០​នាក់​បាន​ស្លាប់​នៅ​យប់​ថ្ងៃ​ច័ន្ទ​នៅ​ក្នុង​ឧបទ្ទវហេតុ​ផ្អើល​ជាន់​គ្នា​នៅ​ថ្ងៃ​បញ្ចប់​នៃ​ព្រះ​រាជ​ពិធី​បុណ្យ​អុំ​ទូក​​ប្រចាំ​ឆ្នាំ​របស់​ប្រទេស​កម្ពុជា​នៅ​រាជធានី​ភ្នំពេញ។ រដ្ឋមន្ត្រី​ក្រសួង​ព័ត៌មាន​លោក ​ខៀវ កញ្ញារិទ្ធ ​​បាន​មាន​ប្រសាសន៍​ថា​ឧបទ្ទវហេតុ​នេះ​​បាន​​កើត​ឡើង​​​​នៅ​ក្រោយ​ពេល​ដែល​​អ្នក​ចូល​រួម​​​ថ្មើរ​ជើង​ក្នុង​ពិធី​បុណ្យ​អុំ​ទូក​​​​ បាន​ជាប់​ស្ទះ​ដំណើរ​នៅ​លើ​​ស្ពាន​​ទើប​សាង​សង់​ថ្មី​មួយ​​​ទៅ​កាន់​តំបន់​អភិវឌ្ឍន៍​កោះ​ពេជ្រ​ក្នុង​ទន្លេ​បាសាក់។ បើ​តាម​​​ការ​អះអាង​របស់​អាជ្ញាធរ ហ្វូង​មនុស្ស​ដែល​បាន​កក​កុញ​បាន​​​​កើន​ឡើង​និង​បណ្តាល​ឲ្យ​មាន​ការ​​ផ្អើល​ឆោឡោ​​ និង​ការ​ដួល​សន្លប់​​ ការ​រត់​ជាន់​គ្នា​​ និង​ការ​ថប់​ដង្ហើម។ ក្នុង​នោះ​មាន​អ្នក​រង​របួស​ជាង​៣៥០​នាក់​ផង​ដែរ។ រថយន្ត​សង្គ្រោះ​និង​រថយន្ត​ប៉ូលីស​​បាន​បើក​​ទៅ​​វិញ​ទៅ​មក រវាង​កន្លែង​កើត​ហេតុ​នៅ​​តំបន់​មាត់​ទន្លេ​​និង​មន្ទីរ​ពេទ្យ។ (រូបភាព​ទាំង​នេះ​ត្រូវ​បាន​ថត​ដោយ​លោក ហេង រស្មី អ្នក​រាយការណ៍​របស់​វីអូអេ​ខ្មែរ)


XS
SM
MD
LG