កម្មវិធីវិទ្យុ
ព័ត៌មានពេលព្រឹក
ព័ត៌មានអំពីកម្ពុជាមានដូចជា ក្រសួងហិរញ្ញវត្ថុអាមេរិកដាក់ទណ្ឌកម្មក្រុមហ៊ុន UDG ចិននៅកម្ពុជា។ បក្សកាន់អំណាចកម្ពុជាការពារក្រុមហ៊ុនចិន UDG ក្រោយក្រុមហ៊ុននេះរងទណ្ឌកម្មរបស់អាមេរិក។ កម្មវិធី Podcast «កម្ពុជាសម្លឹងទៅមុខ» ស្ដីអំពី «វប្បធម៌ និងអត្តសញ្ញាណ»។ ព័ត៌មានអន្តរជាតិវិញមានដូចជា លោក Trump រៀបចំពិធីចុះហត្ថលេខាលើកិច្ចព្រមព្រៀងទំនាក់ទំនងរវាងអ៊ីស្រាអែល អេមីរ៉ាតអារ៉ាប់រួម និងបារ៉ែន។ លោក Chris Wallace នៃទូរទស្សន៍ Fox News ជាអ្នកសម្របសម្រួលការជជែកដេញដោលលើកទីមួយរវាងលោក Trump និងលោក Biden។ លោក Pompeo ថា សន្តិភាពនៅអាហ្វហ្គានីស្ថាននឹងជួយកាត់បន្ថយផលវិបាកនៃសង្គ្រាម។ លោក Yoshihide Suga ក្លាយជានាយករដ្ឋមន្ត្រីថ្មីរបស់ជប៉ុន។ អង្គការសហប្រជាជាតិថា ជំងឺកូវីដ១៩ បណ្ដាលឲ្យការធ្វើដំណើរអន្តរជាតិធ្លាក់ចុះ ៦៥%៕
ព័ត៌មានពេលរាត្រី
ព័ត៌មានសំខាន់ៗអំពីកម្ពុជាមានដូចជា តំណាងរាស្ត្រអាមេរិកថ្កោលទោសការចាប់ខ្លួនក្រុមសកម្មជនយុវជននិងអ្នករិះគន់នៅកម្ពុជា។ យុទ្ធសាស្ត្រអាមេរិកទប់ស្កាត់ចិនរាលដាលប៉ះកម្ពុជា។ នៅក្នុងកម្មវិធី Hello VOA ថ្ងៃនេះមានកិច្ចពិភាក្សាអំពី ការព្យាបាលជំងឺកូវីដ១៩ ដោយប្លាស្មាពីអ្នកជាពីឈឺ។ រីឯព័ត៌មានអន្តរជាតិវិញ មានដូចជា វីដេអូបង្ហាញពីអតីតទាហានមីយ៉ាន់ម៉ាពីរនាក់ សារភាពពីអំពើឃោរឃៅទៅលើជនរ៉ូហ៊ីងយ៉ាកាន់សាសនាឥស្លាម។ លោក Biden បង្ហាញផែនការរបស់លោកក្នុងការចែកចាយវ៉ាក់សាំងកូវីដ១៩។ សហរដ្ឋអាមេរិកចោទជនសង្ស័យចិន ៥ នាក់ និងពាណិជ្ជករម៉ាឡេស៊ី ២ នាក់ថា បានលួចចូលប្រព័ន្ធកុំព្យូទ័រលើពិភពលោក។ សហរដ្ឋអាមេរិកជំទាស់នឹងការសម្រេចរបស់អង្គការពាណិជ្ជកម្មពិភពលោកទាក់ទិននឹងការយកពន្ធគយរបស់ខ្លួនលើទំនិញចិន។ មន្ត្រីអាមេរិកថា មិនមានសញ្ញានៃការវាយប្រហារតាមអ៊ីនធឺណិតលើប្រព័ន្ធបោះឆ្នោតសហរដ្ឋអាមេរិកទេ និងព័ត៌មានអន្តរជាតិផ្សេងទៀត៕