កម្មវិធីវិទ្យុ
ព័ត៌មានពេលព្រឹក៖ ១៧ កុម្ភៈ ២០២១
ព័ត៌មានអំពីកម្ពុជាមានដូចជា ក្នុងបន្ទប់សវនាការ សកម្មជនបដិសេធចម្លើយ«បង្ខំ»ឱ្យសារភាពជាមួយនគរបាល។ កម្ពុជាការពារចំណាត់ការលើសកម្មជនចំពោះ«សកម្មភាពញុះញង់» ដោយប្រៀបធៀបនឹងករណីលោក ដូណាល់ ត្រាំ។ រីឯព័ត៌មានអន្តរជាតិវិញមានដូចជា យោធាមីយ៉ាន់ម៉ាធានាថាការបោះឆ្នោតថ្មីនឹងរៀបចំឡើង។ អ្នកស្រី Aung San Suu Kyi រងបទចោទមួយករណីទៀត ស្របពេលយោធាបន្តឹងការគ្រប់គ្រងអំណាច។ ឯកអគ្គរដ្ឋទូតចិននៅមីយ៉ាន់ម៉ាថា ស្ថានភាពនៅមីយ៉ាន់ម៉ា «មិនមែនជាអ្វីដែលចិនចង់ឃើញនោះទេ»។ អាមេរិកដាក់ទណ្ឌកម្មលើរដ្ឋប្រហារនៅមីយ៉ាន់ម៉ា។ កូរ៉េខាងត្បូងថា កូរ៉េខាងជើងលួចចូលប្រព័ន្ធកុំព្យូទ័ររបស់ក្រុមហ៊ុន Pfizer ដើម្បីលួចទិន្នន័យវ៉ាក់សាំងកូវីដ១៩៕
ព័ត៌មានពេលរាត្រី៖ ១៧ កុម្ភៈ ២០២១
ព័ត៌មានអំពីកម្ពុជាមានដូចជា រដ្ឋាភិបាលអនុម័តអនុក្រឹត្យច្រកទ្វារអ៊ិនធឺណិតជាតិ ខណៈមានការព្រួយបារម្ភអំពីការរឹតត្បិត។ បទសម្ភាសន៍ VOA៖ សម្លឹងទៅមុខឆ្នាំ២០៤០ គរុកោសល្យនិងហេដ្ឋារចនាសម្ព័ន្ធក្នុងវិស័យអប់រំកម្ពុជា។ រីឯព័ត៌មានអន្តរជាតិវិញមានដូចជា ក្រុមប្រឆាំងនឹងរដ្ឋប្រហារមីយ៉ាន់ម៉ាធ្វើបាតុកម្មដ៏ធំដើម្បីច្រានចោលការអះអាងរបស់យោធា។ លោក Biden បញ្ជាក់ឡើងវិញនូវគោលដៅបើកសាលាបឋមសិក្សាឡើងវិញ។ លោក Biden ថា ចិនប្រឈមផលវិបាកលើសិទ្ធិមនុស្ស ខណៈដែលនាវាសហរដ្ឋអាមេរិកបើកក្នុងសមុទ្រចិនខាងត្បូង។ ប្រទេសជប៉ុនចាប់ផ្តើមយុទ្ធនាការចាក់វ៉ាក់សាំងបង្ការជំងឺកូវីដ១៩ ខណៈមានការព្រួយបារម្ភអំពីការប្រកួតកីឡាអូឡាំពិក។ មនុស្សយ៉ាងហោចណាស់ ២០ នាក់ស្លាប់ និងរាប់លាននាក់ត្រូវរងអាកាសធាតុត្រជាក់ខ្លាំងដោយគ្មានអគ្គិសនីនៅអាមេរិក។ ក្រុមហ៊ុន Moderna នឹងផ្គត់ផ្គង់វ៉ាក់សាំងលើកទីពីរចំនួន ១០០ លានដូសនៅត្រឹមខែឧសភាដល់អាមេរិក។ លិខិតឆ្លងដែនអ្នកចាក់វ៉ាក់សាំងជិតសម្រេចបាននៅអឺរ៉ុប ប៉ុន្តែមានការប្រឆាំងជំទាស់ និងព័ត៌មានអន្តរជាតិមួយចំនួនទៀត៕
