កម្មវិធីវិទ្យុ
ព័ត៌មានពេលព្រឹក៖ ១៤ មីនា ២០២១
ព័ត៌មានសំខាន់ៗអំពីកម្ពុជាមានដូចជា កម្មករប្រតិកម្មផ្សេងៗគ្នា ចំពោះការចាក់វ៉ាក់សាំងកូវីដ១៩ ខណៈមានករណីឆ្លងក្នុងចំណោមកម្មកររោងចក្រ។ លោក ហ៊ុន សែន ថា លោកគ្រោងបន្តកាន់តំណែងរហូត«ឈប់ចង់ធ្វើ»។ សហរដ្ឋអាមេរិកនិងសហភាពអឺរ៉ុប នៅតែប្រយ័ត្នអំពីយុទ្ធនាការការទូតធ្វើឱ្យចាប់ចិត្តរបស់លោក Erdogan។ ច្បាប់ឆ្មាំសមុទ្រដ៏តឹងរ៉ឹងថ្មីមួយរបស់ចិន មានគោលដៅលើប្រទេសនៅអាស៊ីអាគ្នេយ៍ ដែលគាំទ្រដោយសហរដ្ឋអាមេរិក៕
ព័ត៌មានពេលរាត្រី៖ ១៤ មីនា ២០២១
ព័ត៌មានសំខាន់ៗអំពីកម្ពុជាមានដូចជា បុគ្គលិកសុខាភិបាលស្ត្រីខ្មែរអាមេរិកាំង ប្រយុទ្ធនឹងកូវីដ១៩ និងរក្សាភារកិច្ចមើលថែគ្រួសារ។ កម្ពុជាមានអ្នកជាប់ឃុំច្រើនជាងទណ្ឌិតនិងខ្ពស់ជាងប្រទេសជិតខាង បើទោះជាពន្ធនាគារខ្វះខាតធនធាន។ អាមេរិកបារម្ភការបន្តកាប់បំផ្លាញព្រៃឡង់ ខណៈកម្ពុជាថា ខ្លួនបានការពារដោយទទួលខុសត្រូវ។ រីឯព័ត៌មានអន្តរជាតិវិញមានដូចជា លោកប្រធានាធិបតី Biden ប្រកាសពីការផ្លាស់ប្តូរដោយងាកទៅរកសកម្មភាពការទូតក្នុងប្រទេសយេម៉ែន។ កងយោធាសហរដ្ឋអាមេរិកប្រុងប្រៀបធ្វើសមយុទ្ធធំក្នុងទ្វីបអាហ្វ្រិក។ ក្រុមបក្សប្រជាធិបតេយ្យចង់ឱ្យលោក Biden លះបង់អំណាចផ្តាច់មុខ ក្នុងការសម្រេចវាយប្រហារនុយក្លេអ៊ែរ៕
