កម្មវិធីវិទ្យុ
ព័ត៌មានពេលព្រឹក៖ ១១ ឧសភា ២០២១
ព័ត៌មានអំពីកម្ពុជាមានដូចជា លោក ហ៊ុន សែន ថា ពលរដ្ឋនៅតំបន់បិទខ្ទប់ខ្លះមិនទាន់បានទទួលអំណោយ ដោយសារអាជ្ញាធរត្រូវការពេលដឹកជញ្ជូន។ សង្គមស៊ីវិលចង់ឃើញស្ថាប័នកាកបាទក្រហមសកម្មជាងមុន ក្នុងការជួយអ្នករងគ្រោះក្នុងពេលរាំងខ្ទប់ភ្នំពេញ។ រីឯព័ត៌មានអន្តរជាតិវិញមានដូចជា ក្រុមឧទ្ទាមតាលីបង់ប្រកាសបទឈប់បាញ់ក្នុងពិធីបុណ្យស្រាយបួស និងអបអរការដកកងទ័ពបរទេសចេញពីអាហ្វហ្គានីស្ថាន។ ក្រុម Hamas អះអាងថាបានបាញ់គ្រាប់ដាក់អ៊ីស្រាអែលក្រោយអំពើហិង្សានៅក្រុងហ្សេរុយសាឡិម។ ចំនួនអ្នកឆ្លងជំងឺកូវីដ១៩ក្នុងប្រទេសឥណ្ឌាមានការថយចុះបន្តិច តែស្ថិតក្នុងកម្រិតខ្ពស់ដដែល ស្របពេលដែលមានការជំរុញជាខ្លាំងឲ្យបិទខ្ទប់ប្រទេសទាំងមូល។ រដ្ឋាភិបាលអាមេរិកកំពុងជួយក្រុមហ៊ុនប្រេងសាំងអាមេរិក ក្រោយរងការវាយប្រហារតាមប្រព័ន្ធអ៊ីនធើណិត។ បុគ្គលិកសាកលវិទ្យាល័យនៅមីយ៉ាន់ម៉ា ត្រូវបានផ្អាកការងារ ខណៈរបបយោធាកំពុងផ្តោតទិសដៅដាក់សម្ពាធលើវិស័យអប់រំ។ ក្រុមហ៊ុនវិនិយោគរដ្ឋរបស់ម៉ាឡេស៊ីនិងអតីតសាខាមួយរបស់ខ្លួន ដាក់បណ្តឹងទាមទារសំណងរាប់ពាន់លានដុល្លារ៕
ព័ត៌មានពេលរាត្រី៖ ១១ ឧសភា ២០២១
ព័ត៌មានអំពីកម្ពុជាមានដូចជា ការផ្ទុះឆ្លងខ្លាំង ការកំហិត និងជំនួយចិន ជំរុញសន្ទុះចាក់វ៉ាក់សាំងបង្ការជំងឺកូវីដនៅកម្ពុជា។ មន្ត្រីថា ពុំមានគម្រោងធ្វើតេស្ដពិនិត្យប្រសិទ្ធភាពលើអ្នកចាក់វ៉ាក់សាំងកូវីដរួចហើយនោះទេ។ រ៉េត សារីតា ប្ដេជ្ញាបន្តតស៊ូមតិជួយដល់យុវជនខ្មែរ ខណៈត្រៀមប្រកួតដណ្តើមម្កុដបវរកញ្ញាចក្កវាឡនៅសហរដ្ឋអាមេរិក។ កម្ពុជាទទួលវ៉ាក់សាំងចិន ៥០ ម៉ឺនដូស ខណៈ ១លាន ៥សែនដូសទៀត នឹងមកដល់ជាបន្តបន្ទាប់។ រីឯព័ត៌មានអន្តរជាតិវិញមានដូចជា លោក Biden ថា ការវាយប្រហារតាមអនឡាញលើប្រព័ន្ធបំពង់បង្ហូរប្រេងឥន្ធនៈសហរដ្ឋអាមេរិកគឺជា «សកម្មភាពឧក្រិដ្ឋកម្ម»។ សហរដ្ឋអាមេរិកស្វាគមន៍ការប្រកាសរបស់ក្រុមតាលីបង់អំពីការផ្អាកការប្រយុទ្ធក្នុងអំឡុងបុណ្យ Eid-al-Fitr នៅអាហ្វហ្កានីស្ថាន។ សហរដ្ឋអាមេរិកអនុញ្ញាតឲ្យប្រើវ៉ាក់សាំងកូវីដ១៩ របស់ក្រុមហ៊ុន Pfizer លើកុមារអាយុ ១២ ឆ្នាំឡើង។ ចំនួនប្រជាពលរដ្ឋចិនបានធ្លាក់ចុះដល់អត្រាទាបបំផុតក្នុងប៉ុន្មានទសវត្សរ៍ចុងក្រោយនេះ។ ខណៈឥទ្ធិពលចិនបន្តកើនឡើង ហ្វីលីពីននិងអាមេរិកពិភាក្សាបន្តកិច្ចព្រមព្រៀងទស្សនកិច្ចយោធា៕
