កម្មវិធីវិទ្យុ
ព័ត៌មានពេលព្រឹក៖ ១០ មីនា ២០២១
ព័ត៌មានអំពីកម្ពុជាមានដូចជា ព្រឹទ្ធសភាគ្រោងពិភាក្សាអនុម័តច្បាប់ស្តីពីការបង្ការការឆ្លងរាលដាលជំងឺកូវីដ១៩ នៅថ្ងៃព្រហស្បតិ៍។ កម្ពុជារកឃើញការឆ្លងជំងឺកូវីដចំនួន៤៩ ករណីបន្ថែមទៀត នាំឲ្យព្រួយបារម្ភផលប៉ះពាល់សេដ្ឋកិច្ច។ រដ្ឋាភិបាលអំពាវនាវឲ្យផ្អាកសកម្មភាពសាធារណៈ ខណៈការឆ្លងជំងឺកូវីដ១៩ មិនធូរស្រាល។ រីឯព័ត៌មានអន្តរជាតិវិញមានដូចជា មន្ត្រីគណបក្សសម្ព័ន្ធជាតិដើម្បីលទ្ធិប្រជាធិបតេយ្យនៅមីយ៉ាន់ម៉ាបានស្លាប់ក្រោយការចាប់ខ្លួន។ រុស្ស៊ីជំរុញសហរដ្ឋអាមេរិកនិងអ៊ីរ៉ង់ឲ្យសម្រួលគ្នាត្រឡប់ទៅរកកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញ។ រុស្ស៊ីជំរុញសហរដ្ឋអាមេរិកនិងអ៊ីរ៉ង់ឲ្យសម្រួលគ្នាត្រឡប់ទៅរកកិច្ចព្រមព្រៀងនុយក្លេអ៊ែរអ៊ីរ៉ង់ឡើងវិញ។ ការស្រាវជ្រាវបានឲ្យដឹងថា វ៉ាក់សាំងកូវីដ១៩ របស់ក្រុមហ៊ុន Pfizer-BioNTech អាចទប់ទល់នឹងវីរុសកូវីដ១៩ ទម្រង់ថ្មី ដែលរកឃើញនៅប្រេស៊ីល។ អង្គការសហប្រជាជាតិថា ឧក្រិដ្ឋកម្មប្រឆាំងមនុស្សជាតិនៅកូរ៉េខាងជើងនៅតែបន្ត៕
ព័ត៌មានពេលរាត្រី៖ ១០ មីនា ២០២១
ព័ត៌មានអំពីកម្ពុជាមានដូចជា កម្ពុជារកឃើញករណីឆ្លងកូវីដ ៦៤ នាក់ថែមទៀត ប្រមាណ ៤០ នាក់ជាជនជាតិខ្មែរ។ អាជ្ញាធរកំពុងរៀបចំកន្លែងបូជាសពអ្នកស្លាប់ដោយជំងឺកូវីដ១៩ តាមបញ្ជានាយករដ្ឋមន្រ្តី។ បុគ្គលិកសុខាភិបាលស្ត្រីខ្មែរអាមេរិកាំងប្រយុទ្ធនឹងកូវីដ១៩ និងរក្សាភារកិច្ចមើលថែគ្រួសារ។ អាមេរិកបារម្ភការបន្តកាប់បំផ្លាញព្រៃឡង់ ខណៈកម្ពុជាថាខ្លួនបានការពារដោយទទួលខុសត្រូវ។ ពលរដ្ឋមិននឹកស្មានថា កូវីដ១៩ ឆ្លងជាថ្មីក្នុងសហគមន៍បន្ទាប់ពីកម្ពុជាមានវ៉ាក់សាំង។ រីឯព័ត៌មានអន្តរជាតិវិញមានដូចជា កងកម្លាំងមីយ៉ាន់ម៉ាឡោមព័ទ្ធកម្មកររថភ្លើងដែលធ្វើកូដកម្ម ខណៈអង្គការសហប្រជាជាតិមិនបានថ្កោលទោសរដ្ឋប្រហារនោះ។ សភាតំណាងរាស្ត្រអាមេរិកនឹងបោះឆ្នោតនៅថ្ងៃពុធនេះ ដើម្បីអនុម័តច្បាប់ជំនួយគ្រាវិបត្តិកូវីដ១៩។ ព្រះរាជវង្សានុវង្សចក្រភពអង់គ្លេសថា បញ្ហារើសអើងជាតិសាសន៍នឹងត្រូវដោះស្រាយ «ជាលក្ខណៈឯកជន»។ មេបញ្ជាការអាមេរិកថា ចិនកំពុងពន្លឿនផែនការយកឈ្នះអាមេរិកលើឆាកអន្តរជាតិ។ ក្រសួងការពារជាតិអាមេរិកយល់ព្រមបន្តវត្តមានកងទ័ពឆ្មាំជាតិនៅវិមានសភាក្នុងរដ្ឋធានីវ៉ាស៊ីនតោន។ អង្គការវេទិកាសេដ្ឋកិច្ចពិភពលោកបង្កើនអត្រាព្យាករណ៍កំណើនសេដ្ឋកិច្ចឆ្នាំ២០២១ ដោយសារកិច្ចប្រឹងប្រែងស្ដារឡើងវិញពីវិបត្តិកូវីដ១៩ និងព័ត៌មានអន្តរជាតិសំខាន់ៗមួយចំនួនទៀត៕