រយៈពេលបីថ្ងៃដំបូងនៃការឈ្លានពានរបស់រុស្ស៊ីលើអ៊ុយក្រែន បានធ្វើឲ្យមនុស្សជាង ១ សែននាក់ ចាកចេញពីអ៊ុយក្រែន ធ្វើដំណើរឆ្លងព្រំដែននៅភាគខាងលិចប្រទេសទៅកាន់ប្រទេសជិតខាងខ្លួន។ ប៉ូលិសព្រំដែនអ៊ុយក្រែនឲ្យដឹងថា ក្នុងរយៈពេលតែមួយថ្ងៃ គឺនៅថ្ងៃទី ២៧ ខែកុម្ភៈ មានមនុស្សជាង ១សែន ២ម៉ឺននាក់បាន ធ្វើដំណើរចាកចេញពីប្រទេស ដែលកំពុងមានសង្គ្រាម ហើយភាគច្រើនពួកគេជាស្ត្រីនិងកុមារ។ នាង Oksana Lihostova រាយការណ៍ឲ្យវីអូអេពីតំបន់ភាគខាងលិចប្រទេសអ៊ុយក្រែន។ អ្នកស្រី ស៊ូ ពេជ្រចិន្តា ប្រែសម្រួល៕
Nord Stream 2 ជាគម្រោងបំពង់ឧស្ម័នដែលគ្រោងបង្កើនទ្វេដងនូវការផ្គត់ផ្គង់ឧស្ម័នរុស្ស៊ីទៅឲ្យប្រទេសអាល្លឺម៉ង់កាត់តាមសមុទ្របាល់ទិក បានបន្តក្លាយជាប្រធានបទដ៏ឈ្លោះប្រកែកគ្នា នៅក្នុងទំនាក់ទំនងរវាងសហរដ្ឋអាមេរិក និងអឺរ៉ុប។
