តើអ្នកផ្ទៃក្នុងនៅពីក្រោយលោកដូណាល់ ត្រាំមាននរណាខ្លះ?
លោកត្រាំបានចាត់តាំងអនុប្រធានាធិបតីជាប់ឆ្នោតលោក Mike Pence ឲ្យទទួលបន្ទុកលើក្រុមសម្របសម្រួលដំណើរការស្នងតំណែងក្នុងសេតវិមាន។ អភិបាលរដ្ឋ Indiana លោក Mike Pence មានទំនាក់ទំនងជិតដិតជាមួយនឹងមេដឹកនាំនានាក្នុងជួរគណបក្សសាធារណរដ្ឋក្នុងសភា និងជាអ្នកជំទាស់ខ្លាំងក្លាមួយរូបទៅលើការរំលូតកូន។ លោក Pence បានជំរុញឲ្យសភាបញ្ឈប់ការផ្តល់មូលនិធិសម្រាប់គម្រោង«ផែនការអាណាព្យាបាល» (Planned Parenthood) និងចុះហត្ថលេខាលើច្បាប់រដ្ឋមួយ ដែលតម្រូវឲ្យមានការកប់ ឬបូជាកូនក្នុងផ្ទៃ បន្ទាប់ពីមានការរំលូតកូន។
លោក Jared Kushner ស្វាមីរបស់កូនស្រីលោកដូណាល់ត្រាំ នាង Ivanka Trump ជាមួយនឹងលោក Stephen Bannon ក្នុងរូបភាព ជាសមាជិកមួយរូបនៃក្រុមសម្របសម្រួលដំណើរការស្នងតំណែង។ សេដ្ឋីផ្នែកអចលនទ្រព្យនៅរដ្ឋ New Jersey រូបនេះបានជួយត្រួសត្រាយផ្លូវឲ្យលោកត្រាំទទួលបានជ័យជម្នះ និងកំពុងត្រៀមលក្ខណៈជាទីប្រឹក្សាប្រកបដោយឥទ្ធិពលមួយរូបអំឡុងពេលលោកត្រាំកាន់តំណែង។
អតីតចៅហ្វាយក្រុងញូវយ៉កមកពីគណបក្សសាធារណរដ្ឋ គឺជាអនុប្រធាននៃក្រុមសម្របសម្រួលការស្នងតំណែងប្រធានាធិបតីសម្រាប់លោកត្រាំ។ លោកក៏ជាបេក្ខជនសម្រាប់តំណែងអគ្គរដ្ឋអាជ្ញា និងរដ្ឋមន្រ្តីការបរទេសផងដែរ។
លោក Stephen Bannon ត្រូវបានតែងតាំងជាប្រមុខទីប្រឹក្សាផ្នែកជាន់ខ្ពស់ និងប្រមុខផ្នែកយុទ្ធសាស្រ្តសម្រាប់លោកត្រាំ។ មុនពេលលោក Bannon បានចូលកាន់តំណែងជាប្រធានគ្រប់គ្រងយុទ្ធនាការឃោសនារបស់លោកត្រាំក្នុងខែសីហា លោកបានដឹកនាំសារព័ត៌មាន Breitbart News ដែលជាគេហទំព័រ និងសំឡេងមួយរបស់ក្រុមចលនា alt-right movement ដែលជាសហព័ន្ធស្តាំនិយមមួយ ដែលរួមមាន ពួកអ្នកសេ្នហាជាតិយ៉ាងមុតមាំ ពួកណេអូណាស៊ី (neo-Nazis) ពួកស្បែកសនិយម និងពួកប្រឆាំងជនជាតិជ្វីព។
ប្រធានាធិបតីជាប់ឆ្នោតលោកដូណាល់ ត្រាំចាប់ដែជាមួយនឹងប្រធានគណៈកម្មាការជាតិគណបក្សសាធារណរដ្ឋលោក Reince Priebus (កណ្តាល) ខណៈពេលអនុប្រធានាធិបតីជាប់ឆ្នោតលោក Mike Pence (ខាងស្តាំ) សម្លឹងមើលទៅការប្រមូលផ្តុំរង់ចាំលទ្ធផលការបោះឆ្នោតពេលយប់នៅក្រុង Manhattan ក្រុងញូវយ៉ក កាលពីថ្ងៃទី០៩ ខែវិច្ឆិកា ឆ្នាំ២០១៦។
អ្នកគ្រប់គ្រងយុទ្ធនាការឃោសនាអ្នកស្រី Kellyanne Conway ដែលចូលរួមក្នុងការនាំយកនូវវិធីសាស្រ្តប្រកបដោយក្បួនច្បាប់ជាងមុនសម្រាប់បេក្ខជនប្រធានាធិបតី ត្រូវបានតែងតាំងជាទីប្រឹក្សាជាន់ខ្ពស់នៃក្រុមសម្របសម្រួលការស្នងតំណែង។
កូនស្រីលោកដូណាល់ ត្រាំ នាង Ivanka Trump គឺជាសមាជិកមួយរូបនៃក្រុមសម្របសម្រួលការស្នងតំណែង។.
កូនប្រុសលោកដូណាល់ ត្រាំលោក Eric Trump គឺជាសមាជិកមួយរូបនៃក្រុមសម្របសម្រួលការស្នងតំណែង។
លោក Donald Trump Jr. ក៏ស្ថិតនៅក្រុមសម្របសម្រូលការស្នងតំណែងផងដែរ។
លោក Frank Gaffney ដែលជាអតីតមន្រ្តីមួយរូបនៃរដ្ឋបាលលោកប្រធានាធិបតី Reagan និងជាស្ថាបនិកមជ្ឈមណ្ឌលស្រាវជ្រាវគោលនយោបាយសន្តិសុខ ត្រូវបានរាយការណ៍ថា បានចូលរួមក្នុងក្រុមប្រឹក្សារបស់លោកត្រាំ។ លោក Gaffney ពីមុខមកធ្លាប់ជាអ្នកប្រឹក្សាផ្នែកសន្តិសុខនៅក្នុងយុទ្ធនាការឃោសនាបោះឆ្នោតបឋមរបស់លោក Ted Cruz។ របាយការណ៍ផ្សេងៗពីមជ្ឈមណ្ឌលបាននិយាយថា ជនមូស្លីមអាមេរិកាំងរាប់សែននាក់បានគាំទ្រអំពើហិង្សាបង្កឡើងដោយសាសនាឥស្លាមនៅសហរដ្ឋអាមេរិក និងថា មានការផ្សំគំនិតលួចលាក់មួយដើម្បីធ្វើឲ្យប្រព័ន្ធផ្លូវច្បាប់អាមេរិកចុះញោម តាមរយៈការលើកកម្ពស់ច្បាប់ Sharia នៃសាសនាឥស្លាម។