កំណត់និពន្ធ៖ ចាប់ពីថ្ងៃទី២ខែធ្នូដល់ថ្ងៃទី១៦ខែមករា មជ្ឈមណ្ឌលបុប្ផាណា នៅរាជធានីភ្នំពេញ នឹងដាក់បង្ហាញកម្រងរូបភាពអំពីជំរំជនភៀសខ្លួនខ្មែរនៅព្រំដែនថៃ។ រូបថតទាំងនោះគឺជាស្នាដៃរបស់លោក Stefan Ellis ដែលជាអ្នកថតរូបសារព័ត៌មានម្នាក់។ លោកគឺជាអ្នកត្រួតពិនិត្យរូបថតឲ្យទីភ្នាក់ងារសារព័ត៌មានបារាំងប្រចាំនៅទីក្រុងហុងកុង ហើយនៅឆ្នាំ១៩៩១ លោកបានបង្កើតការិយាល័យរូបថតប្រចាំនៅរាជធានីភ្នំពេញឲ្យទីភ្នាក់ងារសារព័ត៌មានបារាំងមួយនេះ។ លោក Stefan ក៏បានថតសកម្មភាពនិស្សិតធ្វើបាតុកម្មនៅក្នុងប្រទេសថៃកាលពីឆ្នាំ១៩៩២ផងដែរ។ លោកធ្លាប់ធ្វើការឲ្យកាសែត The New York Times ទីភ្នាក់ងារសារព័ត៌មាន The Associated Press និងកាសែតដទៃទៀត។ នៅឆ្នាំ១៩៩៥ លោកបានត្រឡប់មករាជធានី ភ្នំពេញវិញ។ បន្ទាប់មកលោកក៏បានប្ដូរទៅរស់នៅក្នុងទីក្រុងញូយ៉ក។ លោកStefanបានកើតនៅឆ្នាំ១៩៦៥ក្នុងរដ្ឋធានី Washingtonហើយលោកបានទទួលមរណភាពកាលពីឆ្នាំ១៩៩៦។
លោក Robert Ellis ជាឪពុករបស់លោក Stefan Ellis។ (រូបថតផ្តល់ឲ្យ)
លោក Robert Ellis ដែលត្រូវជាឳពុករបស់លោក Stefan បានសម្រេចបរិច្ចាគកម្រងរូបភាពអំពីជំរំជនភៀសខ្លួនខ្មែរនៅព្រំដែនថៃដល់មជ្ឈមណ្ឌលបុប្ផាណាសម្រាប់តាំងពិពណ៌ជាសាធារណៈ។ នាង ហុង ចិន្តា នៃ VOA បានសម្ភាសលោក Robert តាមទូរស័ព្ទពីរដ្ឋ កាលីហ្វ័រញ៉ា អំពីការបរិច្ចាគរូបថតដែលកូនប្រុសរបស់លោកបន្សល់ទុកទាំងនោះ៕
Your browser doesn’t support HTML5
បទសម្ភាសន៍៖ កម្រងរូបថតជំរំជនភៀសខ្លួននឹងដាក់តាំងពិព័រណ៍ឲ្យកូនខ្មែរបានដឹងពីប្រវត្តិសាស្រ្ត
ក្មេងស្រីម្នាក់នៅឯជំរំជនភៀសខ្លួនខ្មែរនៅព្រំដែនថៃ។ (រូបថត៖ Stefan Ellis)
ទិដ្ឋភាពទូទៅនៅឯជំរំជនភៀសខ្លួនខ្មែរនៅព្រំដែនថៃ។ (រូបថត៖ Stefan Ellis)