សប្បុរសជន​អាមេរិកាំង​សង់ផ្ទះ​ដល់​អ្នក​បម្លាស់ទី​ជនជាតិ​អ៊ុយក្រែន

ចាប់តាំងពីរដូវផ្ការីកឆ្នាំ ២០២២ មក លោក Dell Loy Hansen បានចំណាយថវិកាជាង ៧០លានដុល្លារអាមេរិក ដើម្បីសង់លំនៅដ្ឋានដល់ក្រុមគ្រួសារអ៊ុយក្រែនដែលផ្លាស់ទីគ្មានលំនៅដ្ឋាន។ សប្បុរសជនអាមេរិកាំងរូបនេះនិយាយថា លោកបានទៅប្រទេសអ៊ុយក្រែន ៤ លើករួចមកហើយ និងទើបចាប់ផ្តើមគម្រោងនេះ។ អ្នកយកព័ត៌មានវីអូអេ អ្នកស្រី Anna Kosstutschenko បានជួបជាមួយបុរសចិត្តធម៌រូបនេះក្នុងតំបន់កៀវ ប្រទេសអ៊ុយក្រែន និងបានរាយការណ៍ជុំវិញរឿងនេះ។ លោកជ្រា វណ្ណារិទ្ធ ប្រែសម្រួល៕