ព្រឹទ្ធសភាហ្វីលីពីនបានគំរាមកាលពីថ្ងៃពុធថានឹងចាប់ខ្លួនអភិបាលក្រុងតូចមួយពីបទប្រមាថសភា ក្នុងអំឡុងពេលសវនាការមួយដែលកំពុងស៊ើបអង្កេតពីទំនាក់ទំនងដែលត្រូវបានចោទប្រកាន់លើលោកស្រីថាមានជាប់ពាក់ព័ន្ធជាមួយនឹងក្រុមឧក្រិដ្ឋជនចិន។ នេះបើតាមសេចក្តីរាយការណ៍របស់ទីភ្នាក់ងារសារព័ត៌មានReuters។
នេះជាករណីមួយដែលបានទាក់ទាញចំណាប់អារម្មណ៍នៅទូទាំងប្រទេស ចំពេលមានភាពតានតឹងរវាងទីក្រុងម៉ានីល និងទីក្រុងប៉េកាំង។
ការគំរាមចាប់ខ្លួននេះបានកើតឡើងបន្ទាប់ពីអភិបាលក្រុង អ្នកស្រី Alice Guo មិនបានចូលខ្លួនក្នុងសវនាការជាលើកទីពីរជាប់គ្នាដោយហេតុផលមានភាពតានតឹងក្នុងចិត្ត។
ករណីនេះបានចាប់ផ្តើមនៅក្នុងខែមីនា នៅពេលដែលអាជ្ញាធរបានឆ្មក់ចូលកាស៊ីណូមួយនៅទីក្រុង Bamban ហើយបានរកឃើញសកម្មភាពឧក្រិដ្ឋនៅក្នុងឧស្សាហកម្មកាស៊ីណូអនឡាញរបស់ជនជាតិចិន នៅក្នុងប្រទេសហ្វីលីពីន៕