កំណត់និពន្ធ៖ តាមរយៈថតខ្សែភាពយន្តឯកសារ ផលិតការិនី ម៉ម កល្យាណនី ដែលជាជនជាតិខ្មែរសញ្ជាតិអាមេរិក បានស្វែងយល់ថា អត្តសញ្ញាណរបស់ខ្មែរកើតចេញពីធម្មជាតិ គឺទឹក និងដី។ ហើយអ្នកនាង កល្យាណនី យល់ថា ការអភិវឌ្ឍន៍ដែលប៉ះពាល់ខ្លាំងដល់ធនធានធម្មជាតិទឹក និងដី ដោយមិនមានការត្រួតពិនិត្យឲ្យបានដិតដល់អាចបំបាត់អត្តសញ្ញាណរបស់ខ្មែរ។ នាង ទែន សុខស្រីនិត នៃ VOA បានសន្ទនាជាមួយអ្នកនាង ម៉ម កល្យាណនី ជុំវិញឫសគល់នៃដួងព្រលឹងយើង ដែលកើតចេញពីទឹក និងដីនេះ។ សូមលោកអ្នកស្តាប់បទសន្ទនានេះដូចតទៅ។
Your browser doesn’t support HTML5
អ្នកនាង ម៉ម កល្យាណនី៖ ទឹក និងដី ជាឫសគល់នៃដួងព្រលឹងយើង
-----
កញ្ញា ម៉ម កល្យាណនី គឺជាផលិតករភាពយន្តខ្មែរអាមេរិកាំង។ ខ្សែភាពយន្តរូបភាពឯកសារលើកដំបូងបង្អស់របស់នាងគឺ «ក្បង់ទឹកទន្លេ» ឬ A River Changes Course ដែលនិយាយអំពីការតស៊ូរបស់គ្រួសារខ្មែរ៣គ្រួសារ ក្នុងអំឡុងនៃការផ្លាស់ប្តូរដ៏ឆាប់រហ័សរបស់ពិភពលោក បានឈ្នះពាន់រង្វាន់ Grand Jury Prize សម្រាប់ខ្សែភាពយន្តឯកសារពិភពលោកនៅឯមហោស្រពភាពយន្តទីក្រុងសាន់ដាន (Sundance Film Festival) នៅឆ្នាំ២០១៣។