រូបភាពជុំវិញពិភពលោក ០១ តុលា ២០១៩
សមាជិកយោធានិងទាហាននៃកងទ័ពរំដោះប្រជាជនដើរក្បួនកាត់ទីលានធានអាមេនមុននឹងពិធីគម្រប់ខួបទី៧០នៃសាធារណៈរដ្ឋប្រជាមានិតចិនក្នុងទីក្រុងប៉េកាំងប្រទេសចិនកាលពីថ្ងៃទី០១ ខែតុលា ឆ្នាំ២០១៩។
កុមារីម្នាក់ឈ្មោះ Chikuru អាយុ១១ឆ្នាំ សែងទឹកទៅផ្ទះក្នុងស្រុក Bugamba ទីក្រុង Goma នៃខេត្ត North Kivu ភាគខាងកើតសាធារណៈរដ្ឋកុងហ្គោកាលពីថ្ងៃទី៣០ ខែកញ្ញា ឆ្នាំ២០១៩។
សិស្សសាលាស្លៀកពាក់ជារូបចម្លាក់មេដឹកនាំសេរីភាពឥណ្ឌា Mahatma Gandhi ឈរនៅចំណុចប្រសព្វចរាចរក្នុងការដង្ហែក្បួន Dandi March ក្នុងខួបទី១៥០របស់លោក Gandhi ក្នុងទីក្រុងញុវដែលីប្រទេសឥណ្ឌាកាលពីថ្ងៃអង្គារទី០១ ខែតុលា ឆ្នាំ២០១៩។
បាតុករប្រឆាំងរដ្ឋាភិបាលម្នាក់យកឆ័ត្របាំងអំឡុងបាតុកម្មមួយក្នុងស្រុក Sha Tin ក្នុងទីក្រុងហុងកុងកាលពីថ្ងៃអង្គារទី០១ ខែតុលា ឆ្នាំ២០១៩។
ស្ត្រីម្នាក់ដើរជាមួយកូនៗរបស់នាងក្នុងថ្ងៃដំបូងនៃឆមាសថ្មីក្នុងទីក្រុង Mosul ប្រទេសអ៊ីរ៉ាក់កាលពីទី០១ ខែតុលា ឆ្នាំ២០១៩។
ទិដ្ឋភាពស្ពានបាក់នៅកំពង់ផែនេសាទត្រី Nanfangao ក្នុងទីក្រុង Suao កាលពីថ្ងៃអង្គារទី០១ ខែតុលា ឆ្នាំ២០១៩។
ចៅក្រមជើងចាស់នៃចក្រភពអង់គ្លេសចូលរួមក្នុងពិធី ស្វាគមន៍ចៅក្រមប្រចាំឆ្នាំថ្មី ឆ្លងផ្លូវពី Westminster Abbey ទៅកាន់សភាក្នុងទីក្រុងឡុងដ៍កាលពីថ្ងៃទី០១ តុលា ឆ្នាំ២០១៩។
ម្តាយរបស់លោក Botham Jean អ្នកស្រី Allison Jean រីករាយនៅក្នុងបន្ទប់តុលាការបន្ទាប់ពីប៉ូលិសស្រី Amber Guyger នៃទីក្រុង Dallas ជាប់ចោទពីបទធ្វើឃាតកម្មកាលពីថ្ងៃទី០១ តុលា ឆ្នាំ២០១៩។
ស្ត្រីមិនស្គាល់អត្តសញ្ញាណម្នាក់ចូលរួមក្នុងការដើរបង្ហាញម៉ូដសម្លៀកបំពាក់នារី Chanel សម្រាប់រដូវកាលផ្ការីកនិងរដូវក្តៅឆ្នាំ២០២០ ក្នុងទីក្រុងប៉ារីសប្រទេសបារាំងកាលពីថ្ងៃទី០១ តុលា ឆ្នាំ២០១៩។
មនុស្សម្នាប្រើទូរសព្ទទំនើបដើម្បីថតកាំជ្រួចនៅទីលានធានអាមេននៅពេលល្ងាចមួយដើម្បីប្រារព្ធខួប៧០ឆ្នាំនៃសាធារណៈរដ្ឋប្រជាមានិតចិនក្នុងទីក្រុងប៉េកាំងប្រទេសចិនកាលពីថ្ងៃទី០១ ខែតុលា ឆ្នាំ២០១៩។