រូបភាពជុំវិញពិភពលោក ២៦ វិច្ឆិកា ២០១៩
មនុស្សម្នាកំពុងរីករាយទស្សនាទេសភាពពីស្ពានថ្មើរជើងមួយនៅក្នុងសួនឧទ្យាន Zaryadye អំឡុងពេលព្រះអាទិត្យលិចក្នុងទីក្រុងម៉ូស្គូប្រទេសរុស្ស៊ីកាលពីថ្ងៃទី២៥ ខែវិច្ឆិកា ឆ្នាំ២០១៩។
បុរសម្នាក់ដើរកាត់អគារបាក់បែកមួយបន្ទាប់ពីមានការរញ្ជួយដីកម្រិត៦.៤ រ៉ិចទ័រ នៅក្នុងទីក្រុង Durres ភាគខាងលិចប្រទេសអាល់បានី ដែលមានមនុស្សយ៉ាងតិច៤នាក់បាត់បង់ជីវិតនិង១៥០នាក់រងរបួស។
កសិករចតត្រាក់ទ័ររបស់ខ្លួននៅផ្លូវ«Road of June 17» ខាងមុខខ្លោងទ្វារ Brandenburg ក្នុងទីក្រុងបែរឡាំងប្រទេសអាល្លឺម៉ង់។ កសិករជាច្រើនពាន់នាក់នឹងចូលមកកាន់រដ្ឋធានីនេះដើម្បីធ្វើបាតុកម្មប្រឆាំងនឹងគោលនយោបាយកសិកម្មអឺរ៉ុបនិងអាល្លឺម៉ង់។
បាតុករអ៊ីរ៉ាក់ទាញបុរសម្នាក់ដែលបានប៉ះត្រូវឧស្ម័នបង្ហូរទឹកភ្នែកអំឡុងបាតុកម្មរប្រឆាំងនឹងរដ្ឋាភិបាលក្នុងទីក្រុងបាកដាដ។
អ្នកពន្លត់អគ្គិភ័យកំពុងពន្លត់ភ្លើងនៅតាមផ្លូវហាយវ៉េ១៥៤ភាគខាងជើងទីក្រុង Santa Barbara រដ្ឋកាលីហ្វ័រញ៉ាកាលពីថ្ងៃទី២៥ ខែវិច្ឆិកា ឆ្នាំ២០១៩។
ស្ត្រីម្នាក់ដើរនៅក្នុងចម្ការផ្កាក្នុងស្រុក Pingchang ក្នុងខេត្ត Taoyuan ភាគខាងជើងកោះតៃវ៉ាន់។
បុរសម្នាក់គង្វៀលចៀមមួយហ្វូងនៅលើស្ពានក្នុងទីក្រុង Allahabad ប្រទេសឥណ្ឌា។
ស្ត្រីម្នាក់លក់សណ្តែកដីនៅតាមផ្លូវអំឡុងការតាំងបង្ហាញឈ្មោះថា«Kadalekai Parishe» ក្នុងទីក្រុង Bangalore ប្រទេសឥណ្ឌាកាលពីថ្ងៃទី២៥ ខែវិច្ឆិកា ឆ្នាំ២០១៩។