រូបភាពជុំវិញពិភពលោក ១៣ វិច្ឆិកា ២០១៩
មន្ត្រីការទូតកំពូលរបស់សហរដ្ឋអាមេរិកក្នុងប្រទេសអ៊ុយក្រែនលោក William Taylor(ឆ្វេង) និងមន្ត្រីសេវាកម្មការងារបរទេសលោក George Kent ស្បថមុននឹងចូលបកស្រាយជាមួយគណកម្មាធិការស៊ើបអង្កេតក្នុងរដ្ឋធានីវ៉ាស៊ីនតោនកាលពីថ្ងៃទី១៣ ខែវិច្ឆិកា ឆ្នាំ២០១៩។
ទូកមួយបានជាប់នៅច្រាំង ក្នុងទីក្រុង Venice កាលពីថ្ងៃទី១៣ ខែវិច្ឆិកា ឆ្នាំ២០១៩។ អភិបាលទីក្រុង Venice បន្ទោសការប្រែប្រួលអាកាសធាតុដែលបណ្តាលឲ្យមានទឹកជំនន់នៅទីក្រុងនេះហើយកម្ពស់ទឹកឡើងដល់កម្រិតខ្ពស់ទីពីរដែលធ្លាប់បានកត់ត្រា។
មន្ត្រីប៉ូលិសជាតិបំបែកក្រុមបាតុករឯករាជ្យដែលបានបិទផ្លូវហាយវ៉េនៅក្បែរទីក្រុង Girona ប្រទេសអេស្ប៉ាញកាលពីថ្ងៃទី១៣ ខែវិច្ឆិកា ឆ្នាំ២០១៩។
ស្ត្រីជនជាតិប៉ាគីស្ថានទូលទឹកដោះអូដ្ឋ នៅពេលដែលពួកគាត់កំពុងដឹកហ្វូងសត្វរបស់ខ្លួននៅក្នុងទីក្រុង Peshawarប្រទេសប៉ាគីស្ថានកាលពីថ្ងៃទី១៣ ខែវិច្ឆិកា ឆ្នាំ២០១៩។
បាតុករប៉ះទង្គិចជាមួយនឹងប៉ូលិសកូបកម្មអំឡុងបាតុកម្មមួយទាមទារឲ្យមានកំណែទម្រង់សង្គមពីប្រធានាធិបតីឈីលីលោក Sebastian Pinera កាលពីថ្ងៃទី១២ ខែវិច្ឆិកា ឆ្នាំ២០១៩។
កុមារជនជាតិអាហ្វហ្គានីស្ថានកំពុងលេងនៅរោងចក្រឡឥដ្ឋជាយក្រុង Jalalabad ភាគខាងកើតប្រទេសអាហ្វហ្គានីស្ថានកាលពីថ្ងៃទី១៣ ខែវិច្ឆិកា ឆ្នាំ២០១៩។
សត្វខ្លាឃ្មុំផេនដាឈ្មោលឈ្មោះ Jiao Qing កំពុងស្ថិតក្នុងម៉ាស៊ីនស្កេន CT នៅវិទ្យាស្ថានសម្រាប់សួនសត្វនិងការស្រាវជ្រាវសត្វព្រៃ (IZW) ក្នុងទីក្រុង Lebniz ប្រទេសអាល្លឺម៉ង់កាលពីថ្ងៃទី០៧ ខែវិច្ឆិកា ឆ្នាំ២០១៩។