សង្គមស៊ីវិលស្នើឲ្យក្រុមអាទិភាពនិងជនងាយរងគ្រោះទទួលបានវ៉ាក់សាំងបង្ការជំងឺកូវីដ១៩ មុនគេ

អ្នកតស៊ូមតិដើម្បីតម្លាភាពនៅកម្ពុជាលើកឡើងថាអំឡុងពេលកម្ពុជាកំពុងដំណើរការចាក់វ៉ាក់សាំងបង្ការជំងឺកូវីដ១៩ ពលរដ្ឋក្នុងក្រុមអាទិភាពនិងអ្នកដែលមានហានិភ័យខ្ពស់ក្នុងការឆ្លងជំងឺកូវីដ១៩ គួរទទួលបានវ៉ាក់សាំងមុនគេ។ ចំណែកពលរដ្ឋក្នុងក្រុមដែលមិនសូវមានហានិភ័យនៃការឆ្លង គួររង់ចាំ សិនរហូតដល់ពេលដែលកម្ពុជា មានវ៉ាក់សាំងចាក់គ្រប់គ្រាន់។ លោក សាយ មុន្នី នៃវីអូអេ បានសម្ភាសន៍លោក ប៉ិច ពិសី នាយកប្រតិបត្តិនៃអង្គការតម្លាភាពកម្ពុជា នៅក្នុងកម្មវិធី Hello VOA កាលពីថ្ងៃព្រសហ្បតិ៍ ទី១៣ ខែឧសភា ឆ្នាំ២០២១៕