រូបភាពជុំវិញពិភពលោក ២១ ឧសភា ២០១៩
កម្មករសំណង់ម្នាក់ជិះកង់ទៅធ្វើការនៅក្នុងភូមិសំរោង ជាយរាជធានីភ្នំពេញប្រទេសកម្ពុជា។
ប្រធានក្រុមហ៊ុន Huawei លោក George Zhao សម្ពោធទូរសព្ទទំនើបថ្មី Honor 20 នៅក្នុងទីក្រុងឡុងដ៍។
អាវវេជ្ជបណ្ឌិតពណ៌សត្រូវបានគេតម្រៀបនៅតាមផ្លូវនៅជុំវិញសារដែលសរសេរថា«No to the veto» សម្រាប់ប្រធានាធិបតី Mario Abdo Benítez ស្នើសុំកុំឲ្យយល់ព្រមអនុម័តច្បាប់ដែលនឹងឲ្យវេជ្ជបណ្ឌិតទាំងនៅស្ថាប័នរដ្ឋនិងឯកជនចូលនិវត្តបន្ទាប់ពីបានបំពេញការងារ២៥ឆ្នាំនៅក្នុងទីក្រុង Asuncion ប្រទេសប៉ារ៉ាហ្គាយកាលពីថ្ងៃទី២០ ខែឧសភា ឆ្នាំ២០១៩។
ផ្កាដេស៊ីត្រូវបានឆ្លុះចេញពីតំណក់ទឹកភ្លៀងនៅលើស្លឹកស្មៅក្នុងទីក្រុង Laatzen ភាគខាងជើងប្រទេសអាល្លឺម៉ង់។
សំណង់ចាស់ៗត្រូវបានគេថតនៅក្នុងទីក្រុងដែលរងគ្រោះដោយសារសង្រ្គាម Marawi ខេត្ត Lanao del Sur ប្រទេសហ្វីលីពីន។ តំបន់នេះត្រូវបានគេបោះបង់ចោល២ឆ្នាំតាំងពីក្រុមយោធាដែលគាំទ្ររដ្ឋឥស្លាមបានចាប់ផ្តើមវាយប្រហារកាលពីថ្ងៃទី២៣ ខែឧសភា ឆ្នាំ២០១៧។ ទីក្រុង Marawi ធ្លាប់ជាទីក្រុងដ៏ស្រស់ស្អាតមួយរបស់ហ្វីលីពីន។
ប្រជាជនក្នុងស្រុកបំពេញធុងទឹករបស់ខ្លួនពីអាងទឹករួមមួយអំឡុងថ្ងៃក្តៅខ្លាំងនៅទីក្រុង Ahmedabad ប្រទេសឥណ្ឌាកាលពីថ្ងៃទី២០ ខែឧសភា ឆ្នាំ២០១៩។
ក្រុមនិស្សិតឆ្នាំទីមួយរួមគ្នាសង់ជាពីរ៉ាមីតដើម្បីឡើងវិមាន Herndon Monument នៅសាលាទាហានជើងទឹកសហរដ្ឋអាមេរិកក្នុងទីក្រុង Annapolis រដ្ឋ Maryland កាលពីថ្ងៃទី២០ ខែឧសភា ឆ្នាំ២០១៩។
ប្រជាជននៃ តំបន់ Ezbet Hamada ស្រុក Cairo's Mataria ប្រទេសអេហ្ស៊ីបប្រមូលផ្តុំគ្នាបរិភោគ Iftar ដែលអាហារបញ្ចប់ការតមរបស់ពួកគេនៅពេលព្រះអាទិត្យលិចអំឡុងខែរ៉ាម៉ាដង់កាលពីថ្ងៃទី២០ ខែឧសភា ឆ្នាំ២០១៩។
យុវជនឥណ្ឌាម្នាក់ជីករកក្តាមភក់និងត្រីក្បាលពស់នៅក្នុងបឹង Chembarambakkam ជាយក្រុង Chennai។