រូបភាពជុំវិញពិភពលោក ២០ ឧសភា ២០២០
ប្រជាជនឈរតម្រង់ជួរដើម្បីយកអាហារអំឡុងការរាតត្បាតវីរុសកូរ៉ូណានៅជំរំ Itireleng ក្បែរទីក្រុង Laudium ក្នុងរដ្ឋធានី Pretoria អាហ្វ្រិកខាងត្បូង។
ស្ត្រីម្នាក់ទូរក្រណាត់ដើម្បីបាំងថ្ងៃនៅពេលដែលខ្លួននិងកូនៗនិងជនចំណាកស្រុកផ្សេងទៀតចាំរថភ្លើងដើម្បីធ្វើដំណើរទៅស្រុកកំណើតរបស់ខ្លួនបន្ទាប់ពីរដ្ឋាភិបាលឥណ្ឌាដកបន្ធូរការបិទទីក្រុងក្នុងទីក្រុងញូវដែលីប្រទេសឥណ្ឌា។
ស្ត្រីម្នាក់ចែវទូកកាយ៉ាក់ទៅផ្ទះរបស់នាងនៅផ្លូវ Oakridge Road បឹង Wixom ទីក្រុង Beaverton រដ្ឋ Michigan។ ទឹកបានឡើងខ្លាំងរហូតដល់បាក់ទំនប់។ មនុស្សជាង១ម៉ឺននាក់ត្រូវបានជម្លៀសចេញពីសហគមន៍នេះ។
អ្នកដំណើរពាក់ម៉ាស់ឈរជិតគ្នានៅពេលដែលគេជិះទូកអំឡុងម៉ោងមមាញឹកក្នុងទីក្រុងបាងកកប្រទេសថៃ។
សិស្សនៃវិទ្យាល័យ Ponder High School ចូលរួមក្នុងពិធីបញ្ចប់ការសិក្សារបស់ខ្លួនក្នុងទីប្រណាំងឡាន Texas Motor Speedway ទីក្រុង Fort Worth រដ្ឋ Texas កាលពីថ្ងៃទី១៩ ខែឧសភា ឆ្នាំ២០២០។
សិស្សបរិភោគអាហារថ្ងៃត្រង់នៅតុដែលមានរបាំងដើម្បីការពារជំងឹកូវីដ១៩នៅវិទ្យាល័យ Daejeon ប្រទេសកូរ៉េខាងត្បូង។
តង់ត្រូវបានរៀបចំឡើងដោយមានចម្ងាយពីគ្នានៅភូមិ Safe Sleeping Village ក្បែរសាលាក្រុងទីក្រុង San Francisco រដ្ឋកាលីហ្វ័រញ៉ាកាលពីថ្ងៃទី១៩ ខែឧសភា ឆ្នាំ២០២០។
ប៉ូលិសប្រាប់ប្រជាជនកុំឲ្យអង្គុយនៅឆ្នេរក្នុងទីក្រុង Barcelona ប្រទេសអេស្ប៉ាញ ខណៈដែលការដេកហាលថ្ងៃនិងការហែលទឹកនៅមិនទាន់បានអនុញ្ញាត។