រូបភាពជុំវិញពិភពលោក ១៣ ឧសភា ២០២០

គិលានុបដ្ឋាកយិកាម្នាក់មើលថែទារកទើបកើតមួយ ដែល​បាន​បាត់បង់ម្តាយ នៅ​ក្នុងការវាយប្រហារនៅមន្ទីរពេទ្យមួយ ក្នុងក្រុងកាប៊ុល ប្រទេសអាហ្វហ្គានីស្ថាន។ ខ្មាន់កាំភ្លើងបានសម្រុកចូលទៅក្នុងផ្នែកសម្ភពនៃមន្ទីរពេទ្យ ហើយចាប់ផ្តើមធ្វើការបាញ់ប្រហារ។ ការវាយប្រហារនេះបានសម្លាប់មនុស្ស ២៤​នាក់ ដែលក្នុងនោះមានទារកទើបកើតចំនួនពីរ និងទារកយ៉ាងហោចណាស់ចំនួន​ប្រាំមួយបានបាត់បង់ម្តាយរបស់ខ្លួន។ 

រថយន្តធ្វើដំណើរលើផ្លូវមួយអំឡុងពេលថ្ងៃរះនៅក្រុង Frankfurt ប្រទេសអាល្លឺម៉ង់។ 

អ្នកលក់គ្រឿងសក្ការៈមួយរង់ចាំអតិថិជន ដោយមានពាក់ម៉ាស់ អំឡុងពេលពិធីបុណ្យសាសនាមួយ នៅអាស្រម Fatima ក្នុងប្រទេសប័រទុយហ្គាល់។ 

ពលរដ្ឋអ៊ីរ៉ង់ចូលរួមក្នុងពិធីបួងសួងមួយអំឡុងពេលរដូវកាលបុណ្យរ៉ាម៉ាដន នៅខាងក្រៅវិហារឥស្លាមមួយ ក្នុងក្រុងតេរ៉ង់។ 

គិលានុបដ្ឋាកយិកដោយមានពាក់ម៉ាស់ចូលរួមក្នុងការតវ៉ាមួយជាមួយនឹងបដាដាក់ឈ្មោះបុគ្គលិកផ្នែកសុខាភិបាលដែលបានស្លាប់ដោយសារជំងឺកូវីដ១៩ នៅក្រុង Brasilia ប្រទេសប្រេស៊ីល កាលពីថ្ងៃទី១២ ខែឧសភា ឆ្នាំ២០២០។ 

បុគ្គលិកផ្នែកសុខាភិបាលម្នាក់សម្រាកបន្ទាប់ពីធ្វើការសម្អាតបន្ទប់ទឹកនៅស្ថានីយរថយន្តក្រុងមួយនៅក្រុង Bandung ខេត្ត West Java ប្រទេសឥណ្ឌូនេស៊ី។ 

បុរសម្នាក់ដើរកាត់ផ្ទាំងបិទលើជញ្ជាំងអគារមួយនៅក្រុងឡុងដ៍ ខណៈដែល​ប្រទេសអង់គ្លេសកំពុងបិទប្រទេសដើម្បីទប់ទល់នឹងការរាតត្បាតវីរុសកូរ៉ូណា។ 

រន្ទះបាញ់នៅលើផ្ទៃមេឃមួយនៅក្រុងហាណូយ ប្រទេសវៀតណាម។ 

ហ្វូងគោមកដេកលើឆ្នេរ Mar e Sol នៅ​ក្រុង Porticcio កោះ Corsica ខណៈពេលមានការបិទឆ្នេរដោយសារការរាតត្បាតជំងឺកូវីដ១៩​។