ព័ត៌មានចុងក្រោយបំផុត៖
ចិន៖ អាជ្ញាធរចិនកំពុងតែបដិសេធជាផ្លូវការថាលោក Jiang Zemin ស្លាប់ហើយ ក្រោយពីមានការប៉ាន់ស្មានជាច្រើនថ្ងៃអំពីសុខភាពរបស់អតីតប្រធានាធិបតីរូបនេះ។
ប៉ាគីស្ថាន៖ កាសែតសហរដ្ឋអាមេរិកមួយសសេរថា លោក Abdul Qadeer Khan អ្នកបង្កើតកម្មវិធីនុយក្លេអ៊ែរនៃប្រទេសប៉ាគីស្ថានបានផ្ដល់ភស្ដុតាងថាប្រទេសកូរ៉េខាងជើង បានឲ្យប្រាក់ទៅក្រុមមន្ដ្រីយោធាជាន់ខ្ពស់ នៃប្រទេសប៉ាគីស្ថានជាងបីលានដុល្លារ ជាថ្នូរយកបច្ចេកវិជ្ជា នុយក្លេអែរនៅក្នុងទសវត្សរ៍១៩៩០។
ម៉ាឡេស៊ី៖ ប៉ូលីសម៉ាឡេស៊ីបានរំដោះកូនសិស្សសាលាហើយនឹងគ្រូបង្រៀនរបស់ពួកគេ៣០នាក់ ជាច្រើនម៉ោងក្រោយពីពួកគេត្រូវបានបុរសម្នាក់ដែលប្រដាប់ដោយញញួរ ចាប់ទុកនៅថ្ងៃព្រហស្បតិ៍ នៅក្នុងរដ្ឋ Jolor ភាគខាងត្បូង។
លីប៊ី៖ ក្រុមបះបោរលីប៊ីបានដណ្ដើមយកស្រុកតូចពីរនៅភាគខាងត្បូងទីក្រុង Tripoli នៅក្នុងការប្រយុទ្ធគ្នា ៦ម៉ោងជាមួយកងកម្លាំងស្មោះត្រង់ចំពោះមេដឹកនាំ Moammar Gadhafi។
ញូវយ៉ក៖ រដ្ឋអាជ្ញានៅទីក្រុងញូយ៉ក ក្នុងករណីរំលោភផ្លូវភេទប្រឆាំងអតីតនាយកមូលនិធិរូបិយវត្ថុអន្ដរជាតិ លោក Dominique Strauss-Kahn បានបដិសេធការអំពាវនាវឲ្យលោកចុះចេញពីតំណែង។
ឥណ្ឌា៖ ក្រុមមន្ដ្រីនៅភាគខាងជើងនៃប្រទេសឥណ្ឌានិយាយថា រថភ្លើងមួយបានបុករថយន្ដដឹកអ្នកដំណើរមួយគ្រឿង នៅកន្លែងឆ្លងកាត់ផ្លូវរថភ្លើង បណ្ដាលឲ្យមនុស្សយ៉ាងតិច៣៥នាក់ស្លាប់។
សហរដ្ឋអាមេរិក៖ សម្ដេច Dalai Lama ធ្វើពិធីបុណ្យខួបកំណើត៧៦ព្រះវស្សារបស់ព្រះអង្គនៅសហរដ្ឋអាមេរិក នៅពេលចាប់ផ្ដើមការភាវនាធម៌រយ:ពេល១១ថ្ងៃហៅកាឡាចក្រា។
ចិន៖ ប្រទេសចិនព្រមានសហរដ្ឋអាមេរិក កុំឲ្យជួបជាមួយសម្ដេច Dalai Lama ជាផ្លូវការ ។ សម្ដេចទ្រង់គង់នៅរដ្ឋធានីវ៉ាស៊ីនតោន ជាផ្នែកមួយនៃការភាវនាធម៌រយ:ពេល១១ថ្ងៃ។
សហរដ្ឋអាមេរិក៖ លោកប្រធានាធិបតី Barack Obama គ្រោងនឹងទទួលក្រុមមេដឹកនាំសភាជាតិពីគណបក្សប្រជាធិបតេយ្យនិងសាធារណ:រដ្ឋនៅសេតវិមាននៅថ្ងៃព្រហស្បតិ៍ដើម្បីបន្ដការចចារគ្នាអំពីរបៀបតម្លើងកម្រិតប្រាក់កម្ចីរបស់ស.រ.អ. ហើយនឹងជៀសវាងការខ្វះប្រាក់សំណង។
អង់គ្លេស៖ លោក David Cameron នាយករដ្ឋមន្ដ្រីនៃប្រទេសអង់គ្លេស អំពាវនាវឲ្យមានការស៊ើបអង្កេតអំពីការចោទជាថ្មីថាកាសែត News of the World បានលួចមើលនិងស្ដាប់ទូរស័ព្ទរបស់ជនរងគ្រោះដោយការធ្វើឃាតមួយចំនួនប៉ុន្មានឆ្នាំកន្លងទៅនេះ ហើយថាគេសង្ស័យថាកាសែតនេះលបស្ដាប់សារតាមទូរស័ព្ទផ្ញើរទៅឲ្យនារីសិស្សសាលាដែលត្រូវបានសម្លាប់នៅឆ្នាំ២០០២។
ព័ត៌មានពីពេលមុននេះ៖
ប្រធានគ្រប់គ្របរបស់មូលនីធិរូបិយវត្ថុអន្តរជាតិ (IMF) លោកស្រី Christine Lagarde ថ្លែងក្នុងសន្និសីទព័ត៌មាននៅទីស្នាក់ការអង្គការនេះក្នុងទីក្រុង វ៉ាស៊ីនតោននៅថ្ងៃទី០៦ខែកក្កដាឆ្នាំ២០១១។
វ៉ាស៊ីនតោន៖ លោកស្រី Christine Lagarde នាយកថ្មីនៃមូលនិធិរូបិយវត្ថុអន្ដរជាតិ បានប្ដេជ្ញាចិត្ដធ្វើការកែទម្រង់ដើម្បីបង្កើនឥទ្ធិពលច្រើនឡើងរបស់សេដ្ឋកិច្ចកំពុងលូតលាស់ នៅអង្គការឲ្យប្រាក់កម្ចីមួយនេះ។
ចិន៖ ក្រុមអ្នកចាប់ពិរុទ្ធជាតិចិនទំនងដូចជារាំងខ្ទប់ការពិភាក្សាគ្នាអំពីលោកអតីតប្រធានាធិបតី Jiang Zemin តាមប្រព័ន្ធអ៊ិនធឺណិត។
វៀតណាម៖ តុលាការវៀតណាមមួយនៅទីក្រុងហាណូយចេញសាលក្រមឲ្យអតីតរដ្ឋមន្ដ្រីក្រសួងដឹកជញ្ជូននិងមនុស្ស៧នាក់ទៀត ឲ្យជាប់ពន្ធនាគារក្រោយពីបានរកឃើញថាមានទោសក្នុងបទជាប់ពាក់ព័ន្ធក្នុងរឿងអាស្រូវពុករលួយមួយចំនួន។
ឥណ្ឌា៖ ប៉ូលីសនៅប្រទេសឥណ្ឌាភាគខាងត្បូងបានចាប់មនុស្សយ៉ាងតិច៥០នាក់នៅថ្ងៃពុធ ពេលពួកគេតវ៉ា ហើយអំពាវនាវឲ្យបង្កើតរដ្ឋថ្មីមួយ។
ស៊ីរី៖ នៅថ្ងៃពុធក្រុមសកម្មជនសិទ្ធិមនុស្សនិយាយថា ចំនួនមនុស្សស្លាប់មកពីអំពើហិង្សានៅទីក្រុងហាម៉ាស្ថិតនៅភាគកណ្ដាលប្រទេសស៊ីរី មានយ៉ាងតិច២២នាក់ ក្រោយពីកងសន្ដិសុខស៊ីរី បាញ់ទៅលើជនស៊ីវីល។
ឥណ្ឌា៖ រដ្ឋមន្ដ្រីឥណ្ឌាម្នាក់ទៀតត្រូវបានស៊ើបអង្កេតក្នុងបទចោទអំពីតួនាទីរបស់លោកក្នុងរឿងអាស្រូវពុករលួយពាក់ព័ន្ធនឹងឧស្សាហកម្មទូរគមនាគមន៍នៃប្រទេស ឥណ្ឌា។
ឥណ្ឌា៖ ក្រុមហ៊ុនផលិតយន្តហោះធំជាងគេក្នុងពិភពលោកឲ្យដឹងថា ប្រទេសឥណ្ឌានឹងត្រូវការយន្ដហោះថ្មីដឹកអ្នកដំណើរ១,៣០០គ្រឿងក្នុងពេល២០ឆ្នាំខាងមុខនេះ ដើម្បីបំពេញសេចក្ដីត្រូវការរបស់សេដ្ឋកិច្ចលូតលាស់នៃប្រទេសនេះ។
បង់ក្លាដែស៖ កូដកម្មប្រឆាំងរដ្ឋាភិបាលបណ្ដាលឲ្យប្រទេសបង់ក្លាដែសបិទនៅថ្ងៃពុធ នៅពេលដែលគណបក្សជំទាស់តវ៉ានឹងវិសោធនកម្មរដ្ឋធម្មនុញ្ញ ដែលពួកគេនិយាយថា នឹងអនុញាតឲ្យគណបក្សកាន់អំណាចក្ដាប់អំណាច។
អេហ្ស៊ីប៖ ជនជាតិអេហ្ស៊ីបបានចោលថ្មទៅលើអគាររដ្ឋាភិបាលនៅទីក្រុង Suez នៅថ្ងៃពុធក្រោយពីតុលាការមួយបានប្រព្រឹត្ដតាមសេចក្ដីសម្រេចដោះលែងក្រុមភ្នាក់ងារប៉ូលីសដែលជាប់ចោទក្នុងបទសម្លាប់បាតុករ ពេលមានការបះបោរប្រឆាំងរដ្ឋាភិបាលនៅឆ្នាំនេះ។
អ៊ីស្រាអែល៖ ប៉ូលីសអ៊ីស្រាអែលរាប់សិបនាក់ត្រូវបានដាក់ពង្រាយនៅព្រលានយន្ដហោះអន្ដរជាតិនៃប្រទេសនេះនៅទីក្រុង Tel Aviv ដោយមកពីមានការរំពឹងថា សកម្មជន រាប់រយនាក់ដែលគាំទ្រពួកប៉ាឡេស្ទីននឹងទៅដល់ប្រទេសនេះនៅអាទិត្យនេះ។
អ៊ីរ៉ង់៖ ប្រទេសអ៊ីរ៉ង់បានប្រកាសពីថ្ងៃពុធថា ខ្លួនបានបាញ់សាកល្បងកាំជ្រួចផ្លោង មីស៊ីលប្រឆាំងនាវាជាច្រើនគ្រាប់នៅសមុទ្រ ដែលជាផ្នែកមួយនៃសមយុទ្ធយោធា១០ថ្ងៃដែលចាប់ផ្ដើមអាទិត្យមុន។
លីប៊ី៖ ពួកបះបោរជាតិលីប៊ី យកបានស្រុកតូចៗពីរស្ថិតនៅភាគខាងត្បូងនៃទីក្រុង Tripoli ក្រោយពីការប្រយុទ្ធគ្នារយ:ពេល៦ម៉ោងជាមួយកងកម្លាំងស្មោះត្រង់ចំពោះមេដឹកនាំ Moammar Gadhafi មក។