រូបភាពជុំវិញពិភពលោក ០៩ មិថុនា ២០២០
ប៉ូលិសប្រើកាំភ្លើងបាញ់ទឹកដើម្បីបំបែកបាតុករដែលតវ៉ាប្រឆាំងនឹងគោលនយោបាយរដ្ឋាភិបាលដើម្បីប្រយុទ្ធប្រឆាំងនឹងជំងឺកូវីដ១៩ក្នុងទីក្រុង Kathmandu ប្រទេសនេប៉ាល់។
សមាជិកអង្គភាពប៉ូលិសនៅរដ្ឋតិចសាស់គោរពស្មឹងស្មាធក្បែរម្ឈូសលោក George Floyd អំឡុងពិធីបុណ្យសពនៅព្រះវិហារ Fountain of Praise ក្នុងទីក្រុង Houston រដ្ឋតិចសាស់។
មនុស្សម្នាដែលកំពុងពាក់ម៉ាស់ពេលជំងឺកំពុងរាតត្បាតឈរចាំអស់ជាច្រើនម៉ោង អ្នកខ្លះចាំជាង១០ម៉ោងដើម្បីបំពេញអុកស៊ីសែនក្នុងធុងនៅហាងមួយក្នុងទីក្រុង Callao ប្រទេសប៉េរូកាលពីថ្ងៃទី០៨ ខែមិថុនា ឆ្នាំ២០២០។
សត្វត្មាតហើរនៅទីចាក់សំរាមរួមមានសំរាមប្លាស្ទិកនៅឆ្នេរ Costa del Este រដ្ឋធានីប៉ាណាម៉ា កាលពីថ្ងៃទី០៨ ខែមិថុនា ឆ្នាំ២០២០ អំឡុងថ្ងៃបុណ្យមហាសមុទ្រពិភពលោក។
បុរសម្នាក់ពាក់ម៉ាស់និងបណ្តើរឆ្កែររបស់ខ្លួនកាត់ប្រជាជនមួយក្រុមដែលកំពុងរាំដោយស្ងាត់ស្ងៀមនៅពេលដែលអាជីវកម្មមួយចំនួនចាប់ផ្តើមបើកដំណើរការឡើងវិញកាលពីចុងខែមុនបន្ទាប់ពីមានការបិទទីក្រុងអស់ជាច្រើនសប្តាហ៍ដោយសារវិបត្តិជំងឺកូវីដ១៩ក្នុងទីក្រុង Tel Aviv ប្រទេសអ៊ីស្រាអែល។
កូនអណ្តើកជាច្រើនត្រូវបានដោះលែងទៅក្នុងមហាសមុទ្រក្នុងទីក្រុងបាលីប្រទេសឥណ្ឌូណេស៊ី។ យ៉ាងហោចណាស់មានកូនអណ្តើក Lekang ទើបតែញាស់ថ្មីជាង១០០ត្រូវបានដោះលែងអំឡុងយុទ្ធនាការសង្គ្រោះសត្វអណ្តើកសមុទ្រដែលកំពុងជិតផុតពូជ។
បុរសម្នាក់ជិះកង់នៅវាលខ្សាច់ al-Qudra ទីក្រុងឌូបៃ Dubai ប្រទេសអេមីរ៉ាតអារ៉ាប់រួមកាលពីថ្ងៃទី០៨ ខែមិថុនា ឆ្នាំ២០២០។