សម្រាប់​អ្នកស្រី អាន សុធីតា ក្តី​ស្រឡាញ់ ការ​ចែក​រំលែក​និង​ទំនួល​ខុស​ត្រូវ​ជា​គុណធម៌​ដ៏​សំខាន់​របស់​អ្នក​ដឹកនាំ

ភាពស្មោះត្រង់ ការទទួលខុសត្រូវ ការអភិវឌ្ឍខ្លួនដោយគ្មានដែនកំណត់បានជួយជំរុញឱ្យអ្នកស្រី អាន សុធីតា ក្លាយជាស្ត្រីម្នាក់ដែលដឹកនាំក្រុមហ៊ុនអចលនទ្រព្យអន្តរជាតិមួយ ដោយគ្រាន់តែចំណាយពេលត្រឹមតែមួយឆ្នាំប៉ុណ្ណោះក្នុងការចូលប្រឡូកក្នុងវិស័យនេះ។ អ្នកស្រី អាន សុធីតា បានថ្លែងនៅក្នុងបទសម្ភាសន៍ជាមួយអ្នកស្រី ធីតា វីន អ្នកយកពត៌មានឱ្យវីអូអេថា ស្រ្តីមិនគួរយកទម្លាប់ពឹងផ្អែកលើក្រុមគ្រួសារធ្វើជាគំនាប ឬជារនាំងក្នុងការរារាំងអភិវឌ្ឍខ្លួនឯងនោះទេ៕