របាយការណ៍អភិវឌ្ឍន៍មនុស្សឆ្នាំ២០១៩ គ្រោងនឹងត្រូវចេញផ្សាយនៅព្រឹកថ្ងៃទី២១ ខែវិច្ឆិកា ឆ្នាំ២០១៩នៅឯសណ្ឋាគារ Le Royal ក្នុងរាជធានីភ្នំពេញ។ នេះបើយោងតាមសេចក្ដីប្រកាសព័ត៌មានមួយរបស់អង្គការកម្មវិធីអភិវឌ្ឍន៍អង្គការសហប្រជាជាតិ (UNDP) ដែលបានចេញផ្សាយនៅថ្ងៃអង្គារនេះ។
សេចក្ដីប្រកាសព័ត៌មានដដែល រៀបរាប់ថារបាយការណ៍ថ្មីនេះដែលមានចំណងជើងថា«ការធ្វើឱ្យមាននិរន្តរភាពធនធានធម្មជាតិសម្រាប់ទាំងអស់គ្នា» នឹងគូសបញ្ជាក់ពីសារៈសំខាន់នៃនិរន្តរភាពបរិស្ថាន ដើម្បីសម្រេចបាននូវកំណើនសេដ្ឋកិច្ចនិងការអភិវឌ្ឍជាបន្តទៀតក្នុងប្រទេសកម្ពុជា។
លោក សាយ សំអាល់ រដ្ឋមន្ត្រីក្រសួងបរិស្ថាននិងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព និងលោក កែវ អូម៉ាលីស្ស ប្រធានរដ្ឋបាលព្រៃឈើនៃក្រសួងកសិកម្មរុក្ខា ប្រមាញ់និងនេសាទ ព្រមទាំងមន្ត្រីជាច្រើនទៀត នឹងចូលរួមក្នុងពិធីសម្ពោធរបាយការណ៍ថ្មីរបស់អង្គការ UNDP នេះ៕