រូបភាពជុំវិញពិភពលោក ១៥ កុម្ភៈ ២០១៧
ស្រ្តីម្នាក់ឈរកាន់បាច់ផ្កានៅក្បែរទាហានយោធា។ យោធាទាំងនោះកាន់រូបថតទាហានដែលត្រូវបានសម្លាប់អំឡុងសង្រ្គាមសូវៀតក្នុងប្រទេសអាហ្វហ្គានីស្ថាន ក្នុងពិធីរំលឹកខួបនៅកោះ Tears ទីក្រុង Minsk ប្រទេសបេឡារុស។
ទស្សនិកជនកំពុងមើលការសម្តែងរបស់កីឡារការនីជិះស្គីទឹកកកក្នុងទិវាជិះស្គីទឹកកកអន្តរជាតិ Paektusan Prize ក្នុងរដ្ឋធានីព្យុងយ៉ាង កូរ៉េខាងជើង។ ទិវានេះត្រូវបានប្រារព្វឡើងរៀងរាល់ឆ្នាំដើម្បីអបអរលោក Kim Jong Il អ្នកដឹកនាំដែលបានមើលរំលងការសាកល្បងអាវុធនុយក្លេអែរដំបូង។
កុមារីប៉ាឡេស្ទីនកាន់ប្រអប់ឡាំងដើម្បី ការពារខ្លួនឯងពីភ្លៀង នៅ Rafah ក្នុងតំបន់ហ្គាហ្សា។
រូបថតនេះត្រូវបានចេញផ្សាយដោយអង្គការស្រាវជ្រាវលំហអាកាសឥណ្ឌា ដែលបង្ហាញពីការបង្ហោះកាំជ្រួចផ្កាយរណបនៅមជ្ឈមណ្ឌលលំហអាកាស Satish Dhawan ក្នុងទីក្រុង Sriharikota។
សុនខឈ្មោះ Rumor លោតលិតមុខម្ចាស់របស់វា គឺលោក Kent Boyles បន្ទាប់ពីឈ្នះការសម្តែងល្អបំផុតក្នុងកម្មវិធីក្លឹបសុនខ Westminster Kennel ទី១៤១ ក្នុងបុរីញូវយ៉ក។
សាច់ញាតិដែលចូលរួមក្នុងពិធីបូជាសព កាន់រូបថត Carlos Daniel Xiquin អាយុ១០ឆ្នាំ និង Oscar Armando Toc Cotzajay អាយុ១១ឆ្នាំ ដែលត្រូវគេចាប់ជំរិតកាលពីចុងសប្តាហ៏ហើយត្រូវបានសម្លាប់ចោលនៅពេលដែលក្រុមគ្រួសាររបស់ពួកគេមិនអាចផ្តល់លុយដោះដូរនៅក្នុងទីក្រុង Ajuix ប្រទេសក្វាតេម៉ាឡាកាលពីថ្ងៃទី១៤ កុម្ភៈ ២០១៧។ អាជ្ញាធរបានរកឃើញសាកសពពួកគេកាលពីថ្ងៃអាទិត្យ ពួកគេត្រូវបានចាក់សម្លាប់ហើយបោះចូលក្នុងបាវ នៅសាលាក្រុង San Juan Sacatepéquez ភាគពាយព្យប្រទេសក្វាតេម៉ាឡា។
ស្រី្តជាច្រើនឈរជាជួរដើម្បីបោះឆ្នោតក្នុងភូមិមួយក្បែរ Amroha ក្នុងទីក្រុង Uttar Pradesh ប្រទេសឥណ្ឌា។ រដ្ឋ Uttar Pradesh រួមទាំងរដ្ឋ៤ ផ្សេងទៀតកំពុងរៀបចំការបោះឆ្នោតក្នុងខែកុម្ភៈ និងមិនា។
ទីបញ្ចុះសពបានលិចទឹកក្នុងទីក្រុង Marysville រដ្ឋកាលីហ្វ័រញ៉ា បន្ទាប់ពីការជម្លៀសមួយពីសហគមន៍ខាងក្រោមតំបន់វារីអគ្គិសនីក្នុងទីក្រុង Oroville រដ្ខកាលីហ្វ័រញ៉ា កាលពីថ្ងៃទី១៤ កុម្ភៈ ២០១៧។
កុមារីជនភៀសខ្លួនរ៉ូហ៊ីងយ៉ាម្នាក់យំសោកក្នុងជំរំជនភៀសខ្លួន Leda ក្នុងទីក្រុង Teknaf ប្រទេសបង់ក្លាដែស។
ប៉ូលិសម្នាក់ប្រើដំបងបំបែកហ្វូងមនុស្សនៅពេលដែលអគ្គលេខាធិកាលោក V. K. Sasikala របស់គណបក្សឥណ្ឌា Anna Dravida Munnetra Kazhagam (AIADMK) និងជំនិតលោកអតីតរដ្ឋមន្រ្តី Jayalalithaa Jayaram របស់រដ្ឋ Tamil Nadu មកដល់ខាងក្រៅគុកនៅទីក្រុង Bengaluru ប្រទេសឥណ្ឌា។
ប្រជាជនផ្លាស់ទី រង់ចាំជំនួយនៅជំរំមួយភាគខាងកើតទីក្រុង Mosul ប្រទេសអ៊ីរ៉ាក់។
យុវជនបង្ហោះប៉េងប៉ោងពណ៌ក្រហមក្នុងហ្វូងមនុស្សដើម្បីអបអរទិវានៃក្តីស្រលាញ់ក្នុងទីក្រុងមូស្គូ ប្រទេសរុស្ស៊ីកាលពីថ្ងៃទី១៤ កុម្ភៈ ២០១៧។